Matthieu 16:17 - Mbeti ti Nzapa - Tënë so amu fini

¹⁷ Jésus akiri tënë na lo: “Ti mo nzoni Simon, molenge ti Jean! Tënë so mo tene so, zo laa azia ni na yanga ti mo pepe, me Babâ ti mbi so ayeke na yayu laa afa na mo.

Matthieu 16:17 Iomraidhean Croise

Ésaïe 54:13

Fade amolenge ti mo kue ayeke ga adisiple ti mbi, ala yeke duti na siriri ahon ndoni.

Nzoni Tënë so Luc asu na mbeti 22:32

Me mbi sambela ngbanga ti mo si mabe ti mo ati pepe. Tongana mo kiri ande na mbage ti mbi, ayeke nzoni mo sara titene a-ita ti mo akpengba.”

Jean 1:42

Na pekoni, lo mu Simon, lo gue na lo na Jésus. Jésus abaa Simon si lo tene na lo: “Mo yeke Simon, molenge ti Jean; fade azo ayeke iri mo Sefas.” – Nda ti iri so atene “Pierre”. –

Jean 6:45

Awayanga-Nzapa asu na mbeti, atene: ‘Fade Nzapa ayeke fa ye na azo kue.’ Zo so ama tënë ti Babâ si lo yeda ti manda ye so Babâ afa na lo, zo tongaso laa ayeke ga na mbi;

1 Korente 15:50

A-ita, tënë so mbi tene ayeke so: tere ti e ti zo alingbi ti li na ya ti *Kodro-gbia ti Nzapa pepe; ye so ayeke buba bubango alingbi ti wara lege ti ngba na fini lakue lakue pepe.

Galasii 1:16

ti fa Molenge ti lo na mbi titene mbi hinga lo si mbi fa Nzoni Tënë ti lo na azo ti amara nde, mbi hunda wango na mbeni zo pepe.

Efeze 2:8

Biani, ndali ti nzoni be ti Nzapa si ala soo kuâ, na lege ti mabe, mbeni ye so ala sara titene ala soo kuâ ndali ni ayeke daa pepe. Songo kuâ ayeke nzoni ye so lo mu na ala senge senge.

Efeze 3:5

Na ya ti angoi so ahon, Nzapa afa tënë ni na azo pepe; me fadeso, na lege ti Yingo ti lo, lo fa tënë ni na *awatokua ti lo nga na awayanga-Nzapa so lo zia ala nde ndali ti lo.

Efeze 6:12

Biani, e yeke tiri bira ni na azo pepe, me na ayingo so ayeke na komandema, ala so ayeke na ngangu na ndö ti dunia so ayeke na ya ti vukongo ndo, so ti tene asioni yingo so ayeke na le ti nduzu.

Ahebro 2:14

Ndali ti so amolenge ni ayeke na tere na mene oko, Jésus aga tongana ala si lo mu tere ti zo. Tongaso, na lege ti kuâ ti lo, lo kinda Zabolo so ayeke ando na ngangu na ndö ti kuâ.

1 Pierre 5:1

Fadeso mbi yeke mu wango na *akangba ti *Eglize so ayeke na popo ti ala. Mbi nga, mbi yeke kangba tongana ala. Mbi baa na le ti mbi pasi so Christ abaa ando; legeoko na ala, fade mbi yeke li na ya ti gonda so ayeke si.

1 Jean 4:15

Zo so atene na yanga ti lo atene, Jésus ayeke Molenge ti Nzapa, lo na Nzapa angba ti duti oko biani.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.