Matthieu 16:12 - Mbeti ti Nzapa - Tënë so amu fini

¹² Tongaso, adisiple ahinga atene, lo yeke tene tënë na ala titene ala kpe mama ti mapa pepe, me ala kpe fango ye ti afarizien na ti asadusien.

Matthieu 16:12 Iomraidhean Croise

Matthieu 16:11

Mbi tene fade na ala, mbi tene: ‘Ayeke nzoni le ti ala akpengba na mama ti mapa ti afarizien na ti asadusien!’ Mbi yeke tene tënë ti mapa pepe. Asara tongana nyen si ala ma ya ti tënë ti mbi ni pepe so?”

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Matthieu 5:20

Mbi tene na ala: tongana ala sara ye ti mbirimbiri ahon ti awafango-ndia na ti *afarizien pepe, fade ala yeke li na ya ti Kodro-gbia ti yayu pepe.”

Awatokua 23:8

Asadusien atënë ti ala atene zingongo ti akuâ ayeke daa pepe, *ange wala yingo ayeke nga daa pepe. Ti afarizien ala tene aye so kue ayeke daa.

1 Korente 5:6

Ye so ala yeke pika kate ti ala daa so, anzere oko pepe! Ala hinga pepe atene, gi kete mama ti mapa laa ayeke sara titene mapa ni kue alondo?