Matthieu 16:11 - Mbeti ti Nzapa - Tënë so amu fini

¹¹ Mbi tene fade na ala, mbi tene: ‘Ayeke nzoni le ti ala akpengba na mama ti mapa ti afarizien na ti asadusien!’ Mbi yeke tene tënë ti mapa pepe. Asara tongana nyen si ala ma ya ti tënë ti mbi ni pepe so?”

Matthieu 16:11 Iomraidhean Croise

Matthieu 16:1

*Afarizien na *asadusien aga nduru na tere ti Jésus; ala ye ti sara si lo ti na ya ti gbanda ti ala. Nilaa ala hunda na lo titene lo sara mbeni ye ti kpene ti fa na ala so Nzapa laa atokua lo.

Matthieu 16:12

Tongaso, adisiple ahinga atene, lo yeke tene tënë na ala titene ala kpe mama ti mapa pepe, me ala kpe fango ye ti afarizien na ti asadusien.

Matthieu 16:6

Jésus atene na ala: “Ala sara hange! Le ti ala akpengba na mama ti mapa ti *afarizien na ti *asadusien!”

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Marc 4:40

Na pekoni, Jésus atene na adisiple ti lo: “Mbeto asara ala ngbanga ti nyen? Ala de ti duti na mabe pepe?”

Marc 8:15

Jésus amu yanga na ala, atene: “Ala sara hange! Le ti ala akpengba na mama ti mapa ti *afarizien na ti Herode!”

Marc 8:21

Tongaso Jésus ahunda ala, atene: “Ade ala ma ya ni pepe?”

Nzoni Tënë so Luc asu na mbeti 12:1

Na ndembe ni so, azo abongbi gbani gbani, ala yeke pete tere na popo ti ala si Jésus ato nda ti tene tënë na adisiple ti lo, lo tene: “Ala sara hange na mama ti mapa ti *afarizien, so ti tene azo so tënë ti yanga ti ala ayeke nde na sarango ye ti ala so.

Nzoni Tënë so Luc asu na mbeti 12:56

Ala so tënë ti yanga ti ala ayeke nde na sarango ye ti ala so, tongana ala baa sese na le ti nduzu, ala hinga atene ngu ayeke pika wala lâ ayeke su nzoni. Me tongana nyen laa ala hinga nda ti ngoi so e yeke daa fadeso pepe?”

Jean 8:43

Ala ma ya ti tënë ti mbi pepe, ngbanga ti nyen? Ngbanga ti so ala lingbi ti ma tënë ti mbi pepe.