Matthieu 15:8 - Mbeti ti Nzapa - Tënë so amu fini

⁸ ‘Azo so ayeke ne mbi gi na yanga ti ala senge, me be ti ala ayeke yongoro na mbi mingi.

Matthieu 15:8 Iomraidhean Croise

Amato 23:26

Molenge ti mbi, mo zia be ti mo na ndö ti mbi; mo duti na ngia ti mu tapande ti mbi.

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Jérémie 12:2

Mo lu ala tongana keke so agunda ni ali sese; ala yeke mai si ala yeke le. Iri ti mo ayeke na yanga ti ala lakue, me be ti ala ayeke yongoro na mo.

Ezekiel 33:31

Tongaso ala mingi aga si ala duti na dawa ti mo. Ala ma atënë ti mo, me ala sara ye alingbi na ni pepe. Ala yeke sara ye alingbi na ye so anzere na be ti ala, ala yeke gi gi ye so ala lingbi ti wara ye na peko ni.

Matthieu 15:7

Ala, azo so tënë ti yanga ti ala ayeke nde na sarango ye ti ala so! Ésaïe atene peko ti tënë ti yanga ti Nzapa na ndö ti ala na legeni, lo tene:

Marc 7:6

Jésus akiri tënë na ala: “Ala azo so tënë ti yanga ti ala ayeke nde na sarango ye ti ala so, peko ti tënë ti yanga ti Nzapa so wayanga-Nzapa Ésaïe atene na ndö ti ala ando so, ayeke taa-tënë; a su na mbeti, atene: ‘Nzapa atene: Azo so ayeke ne mbi gi na yanga senge, me be ti ala ayeke yongoro na mbi mingi.

Jean 1:47

Jésus abaa Natanael so ayeke ga na mbage ti lo si lo tene: “Baa, so mbirimbiri zo ti Israel laa. Lo hinga ti tene mvene pepe.”

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Awatokua 8:21

Kua so e yeke sara ge so, mbeni ye ti mo oko wala tënë ti mo ayeke daa pepe, ngbanga ti so be ti mo ayeke mbirimbiri na le ti Nzapa pepe.

Ahebro 3:12

A-ita, le ti ala akpengba! Mbeni zo oko na popo ti ala asara sioni be wala adekite pepe, tongaso si lo zia lege ti Nzapa pepe, lo so lo yeke na fini.

1 Pierre 3:10

Biani, Mbeti ti Nzapa atene: “Zo so aye tënë ti gigi ti lo si lo ye nga ti duti nzoni, alingbi lo bata yanga ti lo na sioni tënë, lo bata yanga ti lo na atënë ti mvene;