Matthieu 15:36 - Mbeti ti Nzapa - Tënë so amu fini

³⁶ Lo mu mapa mbarambara na asusu so, lo mu singila na Nzapa, lo fâ ya ni, lo mu na adisiple ti lo si ala kangbi ni na gba ti azo ni kue.

Matthieu 15:36 Iomraidhean Croise

Matthieu 14:19

Na pekoni, lo mu yanga na azo ni titene ala kue aduti na ndö ti pere. Lo mu mapa oku na susu use so, lo yo le ti lo na nduzu, lo mu singila na Nzapa. Lo fâ ya ti mapa ni, lo mu na adisiple ti lo si ala kangbi ni na gba ti azo ni.

Matthieu 15:35

Jésus amu yanga na gba ti azo ni ti duti na sese.

Nzoni Tënë so Luc asu na mbeti 22:17

Na pekoni, Jésus amu kopo ti vin, lo mu singila na Nzapa si lo tene: “Ala mu ni, ala kangbi na popo ti ala.

Nzoni Tënë so Luc asu na mbeti 22:19

Na pekoni, lo mu mapa, lo mu singila na Nzapa, lo fâ ya ni, lo mu na ala si lo tene: “So ayeke tere ti mbi so mbi mu ndali ti ala. Ala sara ye so ti dabe ti ala na mbi.”

Nzoni Tënë so Luc asu na mbeti 24:30

So lo na ala aduti ti te kobe, lo mu mapa, lo mu singila na Nzapa; na pekoni, lo fâ ya ni si lo mu na ala.

Jean 6:11

Tongaso Jésus amu amapa ni, lo mu singila na Nzapa si lo kangbi ni na azo so aduti. Lo kangbi nga asusu ni na ala, zo oko oko ate alingbi na nzara ti lo.

Jean 6:23

Me ambeni ngo nde alondo na gbata ti Tiberiade asi na ndo so *Kota Gbia amu mapa, lo mu singila na Nzapa si azo ate so.

Awatokua 27:35

Na peko ti tënë so, Paul amu mapa, lo mu singila na Nzapa na dawa ti ala kue, lo fâ ya ni si lo to nda ti te.

Rome 14:6

Zo so abaa mbeni lango tongana kota lango ahon atanga ni, lo yeke sara tongaso ndali ti Kota Gbia; zo so ayeke te ye kue, lo yeke te ni ndali ti Kota Gbia, ngbanga ti so lo yeke mu singila na Nzapa. Zo so ayeke te ye kue pepe, lo yeke sara tongaso ndali ti Kota Gbia, ngbanga ti so lo nga, lo yeke mu singila na Nzapa.

1 Korente 10:31

Tongaso, ataa ala yeke te, ataa ala yeke nyon, ataa ye so kue ala yeke sara, ala sara ni kue ndali ti gonda ti Nzapa.

1 Korente 14:16

Tongana mo yeke sambela ti mu singila na Nzapa gi na lege ti yingo ti mo, fade senge zo ti ya ti bongbi ni ayeke wara lege ti tene “Amen” na peko ti sambela ti mo ni tongana nyen, so lo ma ya ti tënë ti mo ni pepe so?

1 Samuel 9:13

Gi so ala yeke li na ya ti gbata ni, ala yeke wara lo kozoni si lo gue na ndö ti hoto ti te kobe. Zo oko alingbi ti te kobe pepe kozoni si lo ga, ngbanga ti so lo laa lo yeke sara tufa na ndö ti sandaga ni. Azo so a tisa ala so ayeke te ande ti ala kobe ni na peko. Ala gue hio fafadeso si ala wara lo.”