Matthieu 15:32 - Mbeti ti Nzapa - Tënë so amu fini

³² Jésus airi adisiple ti lo si lo tene na ala: “Mawa ti gba ti azo so agbu mbi, ngbanga ti so na ya ti alango ota so ala yeke na tere ti mbi, ala yeke na ye ti tengo ni pepe. Mbi ye ti zia ala titene ala gue na nzara na ya ti ala pepe, ngbanga ti ala woko na nzara na lege.”

Matthieu 15:32 Iomraidhean Croise

2 Agbia 4:42

Mbeni koli alondo na Baal-Shalisha aga. Lo ga na zo ti Nzapa mapa so a sara na akozo le ti kobe: mapa baleuse so a sara na *orze; lo ga nga na fini le ti *ble na ya ti sake oko, ble so lo fâ ni aninga pepe. Élisée atene na zo ti kua ti lo, atene: “Kangbi ni na azo, ala te!”

Matthieu 12:40

Biani, tongana ti so Jonas asara lango ota na bi ota na ya ti kota susu, fade *Molenge ti Zo ayeke sara nga lango ota na bi ota na gbe ti sese.

Matthieu 14:13

So Jésus ama tënë so, lo londo na ndo so, lo ko na ya ti ngo si lo gue na mbeni ndo so zo ayeke daa pepe. Gba ti azo ama a tene, lo hon; ala londo na ya ti agbata nde nde si ala mu peko ti lo na gere.

Matthieu 15:33

Adisiple ahunda lo, atene: “So e yeke na ya ti ngonda ge so, e yeke wara kobe na ndo wa ti mu na gba ti azo so kue titene ala te, ya ti ala asi?”

Matthieu 20:34

Mawa ti ala agbu Jésus si lo ndu le ti ala. Gi hio tongaso, ala kiri abaa ndo si ala mu peko ti lo.

Matthieu 27:63

ala tene na lo: “Kota zo, na ndembe so zo ti mvene so ade na fini, lo tene lani, lo tene: ‘Na peko ti lango ota, fade mbi yeke zingo na kuâ.’ E dabe ti e na tënë so.

Matthieu 9:36

So lo baa gba ti azo so, mawa agbu be ti lo ndali ti so ngangu atia ala si be ti ala awoko kue; ala yeke tongana ataba so zo ti batango ala ayeke daa pepe.

Marc 9:22

Lakue yingo ni ayeke bi lo na le ti wâ wala na ya ti ngu titene lo kui. Me tongana mo lingbi ti sara mbeni ye ndali ti lo, baa mawa ti e, mu maboko na e!”

Nzoni Tënë so Luc asu na mbeti 7:13

So *Kota Gbia abaa wali-mua ni, mawa ti lo agbu lo si lo tene na lo: “Mo toto pepe!”

Awatokua 27:33

So ndo aga nduru ti han, Paul ahunda na azo kue ti te kobe; lo tene: “Laso asara lango baleoko na osio so ala yeke ku titene le ti ngu ade, ala te mbeni ye oko pepe.

Ahebro 4:15

E yeke na kota wayango-sandaga so alingbi ti baa mawa ti e na ndo so ngangu atia e daa. Biani, aye ti tarango be kue asi na lo tongana ti so ayeke si na e, me lo sara ti lo siokpari oko pepe.