Matthieu 15:29 - Mbeti ti Nzapa - Tënë so amu fini

²⁹ Jésus alondo na ndo so, lo gue na tere ti kota ngu ti Galile. Lo gue na li ti hoto, kâ, lo duti na sese.

Matthieu 15:29 Iomraidhean Croise

Ésaïe 9:1

Azo so atambula na ya ti vukongo ndo, ala baa kota lumiere. Azo so aduti na ndo so avuko pitipiti, lumiere aza na ndö ti ala awe.

Matthieu 13:2

Gba ti azo abongbi na tere ti lo. Tongaso, lo ko na ya ti mbeni ngo, lo duti. Gba ti azo ni aluti na yanga ti ngu ni.

Matthieu 4:18

So Jésus ayeke tambula na yanga ti kota ngu ti Galile, lo baa a-ita use so ayeke azo ti gingo susu: Simon so mbeni iri ti lo ayeke Pierre, lo na ita ti lo André; ala yeke bi gbanda ti ala na ya ti kota ngu ni ti gi na asusu.

Matthieu 5:1

So Jésus abaa gba ti azo so, lo gue na li ti hoto, lo duti; adisiple ti lo abongbi na tere ti lo

Marc 1:16

So lo yeke hon na yanga ti kota ngu ti Galile, lo baa Simon na ita ti lo André. Ala yeke bi gbanda ti gi asusu.

Nzoni Tënë so Luc asu na mbeti 5:1

Mbeni lâ, Jésus aluti na yanga ti kota ngu ti Genezaret, gba ti azo aga na tere ti lo si ala yeke gbugburu tere ti ma tënë ti Nzapa.

Jean 21:1

Na pekoni, Jésus akiri asi na adisiple ti lo na yanga ti kota ngu ti Tiberiade. Lege so Jésus asi na ni ayeke so:

Jean 6:1

Na pekoni, Jésus amu lege, lo gue na mbage ti kota ngu ti Galile, so mbeni iri ni Tiberiade.

Jean 6:23

Me ambeni ngo nde alondo na gbata ti Tiberiade asi na ndo so *Kota Gbia amu mapa, lo mu singila na Nzapa si azo ate so.

Josué 12:3

Sihon ayeke le-gbia nga na ndö ti sese so ayeke na To ti popo-hoto ti Jourdain, sese so ayeke na tere ti kota ngu ti Genezaret, na mbage ti Banga, ague ngbii asi na kota ngu ti Gba-ti-ingo, nduru na Bet-Yeshimot si na mbage ti Mbongo, sese so ayeke na gbe ti hoto ti Pisga.