Matthieu 15:28 - Mbeti ti Nzapa - Tënë so amu fini

²⁸ Tongaso, Jésus akiri tënë na lo: “Wali, mabe ti mo ayeke kota! Ye so mo ye so, ayeke nzoni mo wara ni.” Gi na ndembe ni so, tere ti molenge ti lo ni aga nzoni.

Matthieu 15:28 Iomraidhean Croise

Mbeti ti Job 13:15

Biani, lo lingbi ti fâ mbi senge, nyen laa aso mbi, nyen? Me mbi ye ti fa na le ti lo so sarango ye ti mbi ayeke sioni pepe.

Mbeti ti Job 23:10

Andaa lege so mbi hon daa, lo hinga ni nzoni. Tongana lo tara mbi, fade mbi yeke sigigi tarara tongana lôro.

Abia (Psaumes) 145:19

Azo so akpe mbeto ti lo, lo yeke mu na ala ye so be ti ala aye; lo yeke ma toto ti ala si lo yeke soo ala.

Abia ti demango tere 3:32

Tongana lo zia vundu na be ti zo, fade lo yeke baa mawa ti zo ni, ngbanga ti so ndoye ti lo ayeke kota.

Matthieu 14:31

Gi hio tongaso, Jésus ayoro maboko ti lo, agbu lo si atene na lo: “Mo, zo ti kete mabe, mo dekite ngbanga ti nyen?”

Matthieu 15:27

Wali ni akiri tënë: “Taa-tënë, kota zo! Akete mbo ayeke te nga afuku ti kobe so ayeke ti na gbe ti meza ti awa ti ala.”

Matthieu 8:10

So Jésus ama tënë so, lo gonda lo mingi si lo tene na azo so amu peko ti lo, lo tene: “Mbi tene na ala taa-tënë: mbi de ti baa mara ti mabe tongaso na kodro ti Israel pepe.

Matthieu 8:13

Na pekoni, Jésus atene na kapita ti aturugu ni, atene: “Kiri na da ti mo! Fade ye ni ayeke si alingbi na mabe ti mo.” Gi na ndembe ni so, kobela ti zo ti kua ni akai.

Matthieu 9:22

Jésus abi le ti lo na peko, lo baa wali so si lo tene na lo: “Molenge ti mbi, de be ti mo! Mabe ti mo asoo mo awe.” Gi na ndembe ni so, kobela ti wali ni akai.

Marc 5:34

Jésus atene na lo: “Molenge ti mbi ti wali, mabe ti mo asoo mo awe. Kobela ti mo akai awe, mo gue nzoni.”

Nzoni Tënë so Luc asu na mbeti 17:5

*Awatokua atene na *Kota Gbia: “Sara si mabe ti e akono.”

Nzoni Tënë so Luc asu na mbeti 7:50

Me Jésus atene na wali ni: “Mabe ti mo asoo mo awe. Mo gue nzoni!”

Nzoni Tënë so Luc asu na mbeti 7:9

So Jésus ama tënë so, lo gonda lo mingi. Lo baa ndo na mbage ti gba ti azo so amu peko ti lo si lo tene na ala: “Mbi tene na ala: ataa na kodro ti Israel, mbi de ti baa mara ti mabe tongaso laoko pepe.”

2 Tesalonike 1:3

A-ita, alingbi e ngba ti mu singila lakue na Nzapa ndali ti ala. So ayeke na legeni, ngbanga ti so mabe ti ala ayeke gue lakue na nduzu si yengo so ala ye tere na popo ti ala ayeke mai lakue.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.