Matthieu 15:27 - Mbeti ti Nzapa - Tënë so amu fini

²⁷ Wali ni akiri tënë: “Taa-tënë, kota zo! Akete mbo ayeke te nga afuku ti kobe so ayeke ti na gbe ti meza ti awa ti ala.”

Matthieu 15:27 Iomraidhean Croise

Tongo nda ti aye 32:10

Na pekoni, Jacob asambela, atene: “Nzapa ti babâ ti mbi Abraham, Nzapa ti babâ ti mbi Isaac, mo KOTA GBIA so mo tene na mbi, mo tene: ‘Kiri na kodro ti mo na ti asewa ti mo; fade mbi yeke sara nzoni na mo’,

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Daniel 9:18

Nzapa ti mbi, dingi mê ti mo, mo ma mbi! Zi le ti mo, mo baa bubango so gbata ti e abuba so; gbata so a di iri ti mo daa so. E voro tere ti e na mo ndali ti aye ti mbirimbiri so e sara pepe, me ndali ti kota nzoni be ti mo.

Matthieu 15:26

Jésus akiri tënë na wali ni, atene: “Ti mu kobe ti amolenge ti bi na akete mbo, so ayeke na legeni pepe.”

Matthieu 15:28

Tongaso, Jésus akiri tënë na lo: “Wali, mabe ti mo ayeke kota! Ye so mo ye so, ayeke nzoni mo wara ni.” Gi na ndembe ni so, tere ti molenge ti lo ni aga nzoni.

Matthieu 5:45

Tongaso si ala lingbi ti ga amolenge ti Babâ ti ala so ayeke na yayu. Babâ ti ala ni ayeke sara si lâ ti lo asu na ndö ti anzoni zo nga na ndö ti asioni zo kue. Lo yeke tokua ngu-Nzapa na ndö ti azo ti mbirimbiri nga na ndö ti azo ti kirikiri.

Matthieu 8:8

Me kapita ti aturugu ni akiri tënë, atene: “Kota Gbia, mbi kpa zo so mo lingbi ti li na ya ti da ti lo pepe. Mo tene gi mbeni tënë oko si fade kobela ti zo ti kua ti mbi akai!

Marc 7:28

Wali ni akiri tënë na lo: “Taa-tënë, kota zo! Me akete mbo so ayeke duti na gbe ti meza ayeke te afuku ti kobe so ayeke ti na maboko ti amolenge.”

Nzoni Tënë so Luc asu na mbeti 16:21

Lo yeke na nzara ti te akobe so alondo na ndö ti meza ti zo ti mosoro ni si ayeke tuku na sese. Na ndö ni kue, ambo aga si ayeke su le ti aka ti lo.

Nzoni Tënë so Luc asu na mbeti 18:13

Me zo ti rongo nginza ti lapo angba ti lo yongoro kâ; lo mu nga le ti lo na nduzu pepe. Me lo zia maboko ti lo na ndö ti go ti lo, lo tene: ‘Nzapa, baa mawa ti mbi, mbi so mbi yeke zo ti siokpari so.’

Rome 10:12

Tongaso, azuife na azo ti amara nde kue ayeke gi legeoko: Kota Gbia ti ala ayeke gi oko, lo yeke mu anzoni ye mingi na ala so kue airi lo titene lo mu maboko na ala.

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

Rome 3:29

Wala Nzapa ayeke gi Nzapa ti azuife awe? Lo yeke nga Nzapa ti azo ti mara nde pepe? Biani, lo yeke nga Nzapa ti azo ti amara nde,

Rome 3:4

Oko pepe! Alingbi azo ahinga atene, Nzapa ayeke sara ye na lege ti taa-tënë, me azo kue ayeke azo ti mvene. Nilaa Mbeti ti Nzapa atene: “Fade azo ayeke hinga atene, mo yeke mbirimbiri na lege ti tënë ti yanga ti mo si na ndembe so azo aye ti fâ ngbanga ti mo, mo sigigi na ya ti tënë ni.”

Efeze 3:19

Fade ala yeke hinga ndoye ti Christ so ahon ngangu ti hingango ndo ti zo. Tongaso, fade ala yeke si singo na aye kue kue kue ti Nzapa.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.