Matthieu 15:26 - Mbeti ti Nzapa - Tënë so amu fini

²⁶ Jésus akiri tënë na wali ni, atene: “Ti mu kobe ti amolenge ti bi na akete mbo, so ayeke na legeni pepe.”

Matthieu 15:26 Iomraidhean Croise

Matthieu 15:25

Me wali ni aga, lo kuku na gbe ti Jésus si lo tene na lo: “Kota Gbia, mu maboko na mbi!”

Matthieu 15:27

Wali ni akiri tënë: “Taa-tënë, kota zo! Akete mbo ayeke te nga afuku ti kobe so ayeke ti na gbe ti meza ti awa ti ala.”

Matthieu 7:6

“Ye so a zia ni nde ndali ti Nzapa, ala bi ni na ambo pepe, ngbanga ti fade ambo ni ayeke kiri na tere ti ala ti te ala. Ala tuku alenge ti ala na anguru pepe, ngbanga ti fade anguru ni ayeke do ni na gere ti ala.”

Rome 9:4

A-ita ti mbi ni ayeke azo ti Israel: Nzapa asara si ala ga amolenge ti lo, lo fa gonda ti lo na ala, lo leke *mbuki ndali ti ala, lo fa *Ndia ti lo na ala, lo fa lege ti vorongo lo na ala, lo mu azendo na ala,

Galasii 2:15

Ti e, a du e zuife, e yeke azo ti amara nde pepe, ala so ayeke azo ti siokpari so ahinga *Ndia ti Nzapa pepe so!

Efeze 2:12

ando, ala yeke yongoro na Christ, mbeni ye ti ala oko so ala lingbi ti wara na popo ti azo ti Israel ayeke daa pepe. Nzapa asara si azo so lo mu zendo na ala, lo sara *ambuki na ala; me ala azo ti amara nde, ala yeke na ya ti ambuki so pepe. Mbeni ye so ala lingbi ti zia be ti ala daa ti ku na dunia so ayeke daa pepe; ala hinga Nzapa pepe.

Filipe 3:2

Ala sara hange na azo ti sarango sioni kua! Ala sara hange na ambo so! Ala sara hange na azo so afâ mbirimbiri *ganza pepe so!

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!