Matthieu 15:21 - Mbeti ti Nzapa - Tënë so amu fini

²¹ Jésus alondo na ndo so, lo gue na sese ti Tir na ti Sidon.

Matthieu 15:21 Iomraidhean Croise

Tongo nda ti aye 49:13

Zabulon ayeke lango ande na yanga ti kota ngu-ingo, lo yeke luti na tere ti amangboko. Yanga ti kodro ti lo ayeke gue ngbii asi na Sidon.

Matthieu 15:20

Aye so laa asara si zo aga *sioni. Me tengo kobe na maboko so a sukula ni pepe, so laa asara si zo aga *sioni pepe.”

Josué 11:8

KOTA GBIA azia ala na maboko ti azo ti Israel si azo ti Israel ahon ndö ti ala. Ala tumba peko ti ala na Banga ngbii asi na Sidon, kota gbata; ala tumba peko ti ala ngbii asi na Misrefot-Maim, ngbii asi na popo-hoto ti Mispe, na To. Ala fâ ala kue, ala zia zo oko angba na fini pepe.

Josué 13:6

Mbeni sese so angba ayeke sese so ahoto ayeke daa so ayeke na popo ti Liban na Misrefot-Maim; azo ti sese ni kue ayeke azo ti Sidon. Na singo ti ala azo ti Israel, mbi yeke tumba azo ti sese ni. Mo yeke bi mbeni ye ti baa lege so mo yeke kangbi sese ni na popo ti azo ti Israel titene aga ti ala, tongana ti so mbi mu yanga na mo.

Awafango-ngbanga 1:31

Mara ti Aser atumba pepe azo so ayeke lango na gbata ti Ako, Sidon, Alab, Akzib, Helba, Afik nga na Rehob;