Matthieu 15:2 - Mbeti ti Nzapa - Tënë so amu fini

² “Ngbanga ti nyen si adisiple ti mo ake tënë ti ndia ti akotara so? Kozo titene ala te kobe, ala yeke sukula maboko ti ala pepe.”

Matthieu 15:2 Iomraidhean Croise

Tongo nda ti aye 1:14

Nzapa atene: “Ayeke nzoni aye so ayeke su asigigi na le ti nduzu ti kangbi popo ti kota lâ na bi. Fade aye ni ayeke sara titene azo ahinga alango ti amatanga, na ambeni lango nde nde, na angu so ayeke hon.

Esther 3:3

So tanga ti azo ti kua ti yangbo ti gbia abaa ye ni tongaso, ala hunda Mardochée, atene: “Ngbanga ti nyen si mo yeke sara ngangu li na ndia ti gbia so?”

Matthieu 15:3

Jésus akiri tënë na ala, atene: “Ka ala, ngbanga ti nyen si ala ke yanga ti Nzapa ti sara gi ye ti akotara ti ala so?

Marc 7:2

Ala baa so ambeni disiple ti lo ayeke mu *asioni maboko ti ala gi tongaso si ayeke te na kobe; ala sukula ni pepe.

Marc 7:5

Afarizien na awafango-ndia ahunda Jésus, atene: “Ngbanga ti nyen si adisiple ti mo akpe ndia ti akotara ti e pepe si ala yeke te kobe na *asioni maboko ti ala so?”

Nzoni Tënë so Luc asu na mbeti 11:38

So farizien ni abaa Jésus ayeke te kobe, me lo sukula maboko ti lo kozoni pepe, li ti lo akpe.

Galasii 1:14

Na lege ti vorongo Nzapa ti azuife, amba ti mbi azuife so ngu ti mbi na ala ayeke oko, mbi hon ala kue. Mbi yeke na nzara mingi ti sara ye alingbi na aye ti akotara ti e.

Kolose 2:8

Le ti ala akpengba si mbeni zo ahanda ala na atënë ti ndara ti sese so pepe! Atënë so ayeke asenge senge tënë alondo na lege ti tënë ti akotara wala na lege ti ayingo so ayeke na ngangu na ndö ti dunia so, me alondo na Christ oko pepe.

1 Pierre 1:18

Ala wara nzoni ye oko pepe na lege ti sarango ye so ala mu na peko ti akotara ti ala. Me ala hinga awe ye so azi ala na ya ti sarango ye ni so, ye ni alingbi ti buba tongana nginza wala lôro pepe;