Matthieu 15:10 - Mbeti ti Nzapa - Tënë so amu fini

¹⁰ Na pekoni, Jésus airi gba ti azo ni si lo tene na ala: “Ala ma mbi, ala ma ya ti tënë ti mbi nzoni:

Matthieu 15:10 Iomraidhean Croise

1 Agbia 22:28

Mishe akiri tënë na lo, atene: “Tongana mo kiri na nzoni tere biani, andaa KOTA GBIA atene tënë na lege ti mbi pepe.” Lo kiri lo tene: “Ala amara kue, ala ma!”

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Ésaïe 6:9

Lo tene na mbi: “Gue mo tene na azo so, mo tene: ‘Ala yeke ma ndo nzoni, me ala yeke ma ya ti tënë ni pepe; ala yeke baa ndo nzoni, me ala yeke baa ye oko pepe.’

Matthieu 13:19

Azo so ama tënë ti *Kodro-gbia ti yayu si ala ma ya ni pepe so, ala yeke tongana tere ti lege so ale ti kobe atuku daa. Sioni wato aga si lo zi ye so a lu na be ti azo ni.

Matthieu 15:11

ye so ali na yanga ti zo laa ayeke sara titene zo ni aga *sioni pepe; me ye so alondo na yanga ti lo asigigi laa ayeke sara titene lo ga *sioni.”

Matthieu 15:9

Vorongo so ala yeke voro mbi so, ayeke gi senge senge, ngbanga ti so ala yeke fa gi andia so azo laa asigigi na ni.’ ”

Matthieu 24:15

“Ndani laa, fade ala yeke baa ye so iri ni ‘Sioni-kpale-ti-bubango-ndo-kue’ so Daniel, wayanga-Nzapa, atene tënë ni ando so. Sioni kpale ni ayeke duti na ndo so ayeke nde si ayeke nzoni kue. – Mo so mo yeke diko mbeti so, mo gi nda ti ye so nzoni! –

Nzoni Tënë so Luc asu na mbeti 24:45

Tongaso lo sara si hingango ndo ti ala azi ti hinga nda ti Mbeti ti Nzapa.

Efeze 1:17

Mbi hunda na Nzapa ti Kota Gbia ti e Jésus Christ, Babâ so ayeke na gonda, titene lo mu na ala Yingo ti ndara. Fade Yingo ni ayeke fa Nzapa na ala, tongaso si ala hinga lo nzoni.

Kolose 1:9

Ndani laa, ti londo na lango so e ma tënë so, e nga, e ngba ti sambela lakue ndali ti ala. E yeke hunda na Nzapa titene lo sara si ala hinga tënë ti be ti lo kue kue kue si ala wara ndara kue na hingango ye so Yingo ti lo ayeke mu na azo.

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.