Matthieu 14:31 - Mbeti ti Nzapa - Tënë so amu fini

³¹ Gi hio tongaso, Jésus ayoro maboko ti lo, agbu lo si atene na lo: “Mo, zo ti kete mabe, mo dekite ngbanga ti nyen?”

Matthieu 14:31 Iomraidhean Croise

Tongo nda ti aye 22:14

Abraham adi iri ti ndo ni so “KOTA GBIA ayeke baa lege ti mungo ye na zo.” Ndani laa laso azo ayeke tene: “Na ndö ti hoto laa KOTA GBIA ayeke baa lege ti mungo ye na zo.”

Abia (Psaumes) 138:7

Tongana mbi yeke hon na ya ti aye ti ngangu, mo yeke sara si mbi kiri mbi duti na fini, ataa so awato ti mbi asara ngonzo na tere ti mbi; mo yoro maboko ti mo, mo soo mbi na lege ti ngangu ti mo.

Ésaïe 63:12

Na mbage ti maboko ti Moïse ti koli, lo yoro maboko ti lo ti ngangu; lo sara si ya ti ngu akangbi na dawa ti ala, lo sara tongaso titene azo agonda iri ti lo lakue lakue.

Matthieu 14:30

Me so lo baa pupu ni ayeke ya ngangu mingi, mbeto agbu lo si lo to nda ti linda ngu. Lo dekongo, lo tene: “Kota Gbia, soo mbi!”

Matthieu 14:32

So ala use kue ako na ya ti ngo ni awe, pupu ni akai.

Matthieu 16:8

Jésus ahinga tënë so ala yeke tene na popo ti ala si lo hunda ala, lo tene: “Ala azo ti kete mabe, tënë ti nyen laa ala yeke tene na popo ti ala na ndö ti tënë ti mapa so ala yeke na ni pepe so?

Matthieu 17:20

Jésus akiri tënë na ala: “Ngbanga ti so mabe ti ala ayeke kete. Biani, mbi tene na ala: tongana konongo ti mabe ti ala alingbi na konongo ti kete kete le ti keke ti mutarde, fade ala yeke tene na hoto so: ‘Londo na ndo so, mo gue kâ.’ Fade hoto ni ayeke hon; ye alingbi ti kara ala oko pepe. [

Matthieu 6:30

Apere so ayeke laso na ya ti ngonda si kekereke a yeke tuku ni na le ti wâ so, Nzapa aleke ni pendere. Ala azo ti kete mabe, Nzapa alingbi ti sara si ala wara bongo pepe?

Matthieu 8:26

Jésus atene na ala: “Ala azo ti kete mabe, mbeto agbu ala ngbanga ti nyen?” Na pekoni, lo londo, lo suku na pupu nga na amapo ni si ndo ade ngii.

Marc 1:31

Lo gue na tere ti lo, lo gbu maboko ti lo si lo mu lo na nduzu. Tere ti mama ni ade, lo londo si lo to nda ti sara na ala.

Marc 1:41

Mawa ti lo agbu Jésus; lo yoro maboko ti lo, lo ndu koli so si lo tene na lo: “Mbi yeda! Ayeke nzoni tere ti mo aga nzoni.”

Marc 11:23

Mbi tene na ala taa-tënë: tongana zo atene na hoto so, atene: ‘Londo na ndo so, mo ti na ya ti kota ngu-ingo’ si lo dekite na be ti lo pepe, me lo ma na be so ye ni ayeke si, fade ye ni ayeke si biani.

Marc 16:7

Ala gue fadeso atene na adisiple ti lo nga na Pierre atene, lo hon kozo ti ala na Galile awe. Kâ laa ala yeke baa ande lo tongana ti so lo tene tënë ni na ala.”

Marc 4:40

Na pekoni, Jésus atene na adisiple ti lo: “Mbeto asara ala ngbanga ti nyen? Ala de ti duti na mabe pepe?”

Marc 5:41

Lo gbu maboko ti molenge ni si lo tene na lo: “Talita kum!” Nda ni atene: “Molenge-wali, mbi tene na mo, mo londo!”

Nzoni Tënë so Luc asu na mbeti 24:34

Azo ni atene na ala: “Taa-tënë, *Kota Gbia azingo na kuâ awe! Lo si na Simon!”

Awatokua 4:30

Fa ngangu ti mo, tongaso si na iri ti Jésus, zo ti kua ti mo so ayeke nde si ayeke nzoni kue, kobela ti azo akai si aye ti kpene na aye ti dongo be aduti daa.”

Ndia ti fani use ni 32:36

Biani, fade KOTA GBIA ayeke fâ ngbanga ti azo ti lo, lo yeke baa mawa ti azo ti kua ti lo na ndembe so lo yeke baa so ngangu ti ala ahunzi awe, mbeni zo ti mu maboko na ala ayeke daa pepe, ngbaa, wala zo so asigigi na gbe ti ngbaa ayeke daa mbeni pepe.

1 Timothée 2:8

Mbi ye si akoli asambela na ndo kue, na yorongo maboko ti ala na nduzu, maboko so ayeke *nzoni, na ngonzo na be ti ala pepe, na tënë ti papa pepe.

1 Pierre 1:5

Aye ni so ayeke ndali ti ala, ala so ayeke na mabe. Lo yeke bata ala na lege ti ngangu ti lo titene lo soo ala si na ngoi ti ndani, azo kue ayeke baa ni.