Matthieu 14:25 - Mbeti ti Nzapa - Tënë so amu fini

²⁵ So ndo aga nduru ti han, Jésus ayeke tambula na gere na le ti ngu si lo yeke ga na mbage ti adisiple ti lo.

Matthieu 14:25 Iomraidhean Croise

Mbeti ti Job 9:8

Gi lo oko, lo gbara le ti nduzu, lo tambula na ndö ti *amapo ti kota ngu-ingo.

Abia (Psaumes) 104:3

mo zia ada ti mo na ndö ti ayayu ni. Mo sara si ambinda aga pusu ti mbarata ti mo; mo yeke tambula na ndö ti pupu.

Matthieu 24:43

Ala ma tënë so nzoni: tongana wa ti da ahinga ngbonga so zo ti nzi ayeke ga na ni na bi, ka lo yeke lango pepe. Lo yeke duti ti baa ndo si zo ti nzi ni akungbi yanga ti da ti lo pepe ti li na ya ni.

Marc 13:35

Ala lango pepe, ngbanga ti so ala hinga lango so wa ti da ni ayeke ga ande na ni pepe: wala na lakui, wala na be ti bi, wala na kozo toto ti kondo, wala na ndaperere, ala hinga pepe.

Marc 6:48

Lo baa adisiple ti lo ayeke baa pasi mingi ti hon na li ni ngbanga ti pupu ayeke kiri ala kiringo na peko. Ye so asi na ala nduru na yanga ti ndaperere. Tongaso Jésus atambula na gere na le ti ngu ti gue na mbage ti ala. Lo ye ti hon ala hongo.

Nzoni Tënë so Luc asu na mbeti 12:38

Ti ala nzoni, tongana lo ga na be ti bi, wala na peko ti be ti bi si lo wara ala so ala yeke ku ti yamba lo!

Jean 6:19

So ala gue na ngo ni ngbii asi kilometere oku wala omene, ala baa Jésus ayeke tambula na le ti ngu si lo yeke ga nduru na ngo ti ala. Mbeto agbu ala.

Aye so Nzapa afa 10:2

Lo gbu na maboko ti lo mbeni kete buku so a zi ya ni. Lo zia gere ti lo ti mbage ti koli na ndö ti kota ngu-ingo si lo zia gere ti lo ti mbage ti wali na ndö ti sese.

Aye so Nzapa afa 10:5

Ange so fade mbi baa lo si lo yeke luti na ndö ti kota ngu-ingo nga na ndö ti sese so, ayoro maboko ti lo ti koli na nduzu

Aye so Nzapa afa 10:8

Go so alondo na yayu si mbi ma kozoni so akiri atene na mbi: “Gue mo mu kete buku so a zi ya ni si ayeke na maboko ti ange so ayeke luti na ndö ti kota ngu-ingo nga na ndö ti sese so.”