Matthieu 14:10 - Mbeti ti Nzapa - Tënë so amu fini

¹⁰ Lo tokua mbeni zo na da ti kanga ti gue ti fâ li ti Jean-Baptiste.

Matthieu 14:10 Iomraidhean Croise

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Matthieu 14:11

Lo zia li ni na ya ti kpangbara sembe, lo ga na ni si lo mu na molenge-wali ni; molenge ni amu ni na mama ti lo.

Matthieu 14:9

Vundu agbu be ti gbia ni; me ndali ti so lo deba yanga ti lo na le ti azo so lo tisa ala, lo mu yanga ti mu li ti Jean na lo.

Matthieu 17:12

Me mbi tene na ala so Élie aga awe; andaa azo ahinga lo pepe, me ala sara ye ti be ti ala na lo. Gi tongaso laa ala yeke sara ande pasi na Molenge ti Zo.”

Marc 9:13

Mbi tene na ala: Élie aga ti lo awe si azo asara ye ti be ti ala na lo, tongana ti so Mbeti ti Nzapa atene tënë ni na ndö ti lo so.”

Nzoni Tënë so Luc asu na mbeti 9:9

Me Herode atene: “Jean? Mbi wani laa mbi mu yanga titene a fâ go ti lo. Me lo so lo yeke zo wa si mbi yeke ma mara ti tënë tongaso na ndö ti lo so?” Nilaa, Herode ayeke gi lege ti baa Jésus.

Aye so Nzapa afa 11:7

Me tongana ala hunzi tenengo peko ti tënë ti yanga ti Nzapa awe, nyama so ayeke londo na ya ti *kota du so alinda mingi ayeke sigigi, lo yeke tiri bira na ala, lo yeke hon ndö ti ala si lo yeke fâ ala.