Matthieu 13:46 - Mbeti ti Nzapa - Tënë so amu fini

⁴⁶ So lo wara mbeni lenge ti kota ngere, lo gue, lo ka aye so kue lo yeke na ni si lo vo lenge so.”

Matthieu 13:46 Iomraidhean Croise

Amato 2:4

Gi ndara tongana ti so zo ayeke gi nginza; gi ni ngangu tongana ti so zo ayeke gi mbeni mosoro so ahonde.

Ésaïe 33:6

Ti ala azo ti KOTA GBIA, na ya ti fini ti ala, mbeni ye ti sioni alingbi ti si na ala pepe. Dutingo na ndara na hingango Nzapa ayeke nzoni ye so ayeke soo ala; kpengo mbeto ti KOTA GBIA, so mosoro ti ala laa!

Matthieu 13:44

“*Kodro-gbia ti yayu ayeke tongana mosoro so a honde ni na ya ti yaka. Mbeni zo awara ni si akiri ahonde ni. Be ti lo anzere mingi si lo gue, lo ka aye so kue lo yeke na ni si lo vo yaka so.

Matthieu 13:45

“*Kodro-gbia ti yayu ayeke nga tongana zo ti dengo buze so ayeke gi apendere lenge ti vongo ni.

Matthieu 13:47

“*Kodro-gbia ti yayu ayeke nga tongana gbanda so a bi na ya ti kota ngu si agbu amara ti asusu nde nde.

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Galasii 6:14

Ti mbi, mbi ye ti gonda tere ti mbi gi ndali ti keke ti kroa ti *Kota Gbia ti e Jésus Christ. Na lege ti keke ti kroa ni, aye ti dunia so aga tongana ye so akui awe ndali ti mbi si mbi nga, mbi kui awe ndali ti aye ti dunia so.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

Kolose 2:3

Nzapa ahonde amosoro kue ti ndara na ti hingango ndo na ya ti Christ.

Aye so Nzapa afa 18:12

Akungba ni ayeke lôro, wen ti nginza, atêne ti ngangu ngere, alenge, amara ti pendere bongo nde nde ti ngangu ngere, akeke so afun yombo, aye so a leke ni na pembe ti doli, akeke ti ngangu ngere, bengba wen, wen, apendere têne ti sarango na da,

Aye so Nzapa afa 21:21

Ayanga ti gbagba ni baleoko na use kue ayeke alenge baleoko na use. A leke yanga ti gbagba oko na lenge oko, yanga ti gbagba oko na lenge oko. A leke balabala ti ya ti gbata ni na lôro ti nzoni ni so zo ayeke baa ndo na ya ni kue.