Matthieu 13:42 - Mbeti ti Nzapa - Tënë so amu fini

⁴² ala yeke bi ande azo ni na ya ti kota wâ; kâ, gi toto na tengo pembe.

Matthieu 13:42 Iomraidhean Croise

2 Samuel 23:7

Zo so aye ti gbu ni, ayeke nzoni lo mu wen wala keke ti likongo, lo gbu na ni. A yeke gbi ni gi na ndo ni so.

Abia (Psaumes) 21:9

Gbia, mo yeke gbu awato ti mo; azo so ake mo ayeke ti na ya ti maboko ti mo.

Daniel 3:6

Zo so ake ti kuku ti voro yanda ni, a yeke bi lo biaku na ya ti kota wâ so ayeke za ngangu.’ ”

Matthieu 13:50

Fade ala yeke bi asioni zo na ya ti kota wâ; kâ, gi toto na tengo pembe.”

Matthieu 22:13

Tongaso gbia ni atene na azo ti kua ni: ‘Ala kanga gere ti lo na maboko ti lo, ala bi lo na gigi na ya ti vukongo ndo; kâ, gi toto na tengo pembe.’ ”

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Matthieu 3:12

Lo gbu ye ti pengo na ale ti kobe na maboko ti lo, lo yeke leke ndo ti pikango ale ti kobe ti lo daa. Na pekoni, lo yeke zia ni na ya ti gogoro, me fade lo yeke bongbi aporo ni ti gbi na ya ti wâ so ayeke mingo laoko pepe.”

Matthieu 8:12

Me azo so a diko ando ala ndali ti Kodro-gbia ti yayu ni, fade a yeke bi ala na gigi na ya ti vukongo ndo; kâ, gi toto na tengo pembe.”

Nzoni Tënë so Luc asu na mbeti 13:28

Kâ, gi toto na tengo pembe: ala yeke baa Abraham, Isaac na Jacob, na awayanga-Nzapa kue so aduti na *Kodro-gbia ti Nzapa, me ti ala, a bi ala na gigi.

Aye so Nzapa afa 14:10

fade lo nga, lo yeke nyon vin ti kota ngonzo ti Nzapa. A yeke tuku vin ni na ya ti kopo ti ngonzo ti Nzapa, a yeke tuku ngu daa pepe. Lo yeke baa ande pasi na le ti wâ na *sufre, na le ti a-ange ti Nzapa nga na le ti Molenge ti Taba.

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.

Aye so Nzapa afa 20:10

Zabolo so ahanda azo ni so, a bi lo na le ti kota wâ na *sufre, na ndo so nyama ni ayeke daa, lo na nyama so atene mvene atene, ni yeke wayanga-Nzapa so. Fade ala yeke baa pasi bi na lâ, kpu na kpu.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Aye so Nzapa afa 9:2

Lo zi yanga ti kota du ni, mbeni guru alondo na ya ni si ayeke sigigi; guru ni akpa guru ti mbeni kota wâ, asara si le ti nduzu na le ti lâ avuko.