Matthieu 13:35 - Mbeti ti Nzapa - Tënë so amu fini

³⁵ Lo sara tongaso titene tënë so wayanga-Nzapa atene, aga taa-tënë; lo tene: “Fade mbi yeke zi yanga ti mbi ti tene tënë na ala na lege ti atoli. Mbi yeke tene ande tënë ti aye so angba na hondengo ni, ngbene ye so dunia abaa gigi ngbii asi laso.”

Matthieu 13:35 Iomraidhean Croise

Abia (Psaumes) 49:4

Yanga ti mbi ayeke tene atënë ti ndara, be ti mbi ayeke tene atënë ti hingango ndo.

Abia (Psaumes) 78:2

Mbi yeke zi yanga ti mbi ti tene tënë na lege ti mbeni toli si ye so angba ando na hondengo ni, e lingbi ti manda ye na lege ni.

Ésaïe 42:9

Akozo ye so asi ahon awe. Fadeso, mbi yeke kiri ti fa na ala afini ni. Kozo si ye ni asi, mbi yeke tene tënë ni na ala.

Amos 3:7

Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

Matthieu 13:14

Tongaso, tënë ti yanga ti Nzapa so Ésaïe atene ando na ndö ti ala so aga taa-tënë; lo tene: ‘Fade ala yeke ma ndo, me ala yeke ma ya ti atënë ni oko pepe; ala yeke baa ndo, me ala yeke baa ye oko pepe.

Matthieu 13:3

Lo tene tënë na ala mingi na lege ti atoli, lo tene: “Mbeni zo ague na yaka ti lo ti bi ale ti kobe.

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Matthieu 5:2

si lo to nda ti fango ye na ala, lo tene:

Nzoni Tënë so Luc asu na mbeti 10:14

Ndani laa, na lango ti fango ngbanga, fade a yeke fâ ngbanga ngangu na li ti ala ahon ti Tir na ti Sidon.

Jean 17:24

Babâ, mo laa mo mu ala na mbi. Mbi ye titene ala duti na mbi na ndo so mbi yeke daa si ala baa gonda so mo gonda na mbi, ngbanga ti so mo ye mbi kozo si dunia abaa gigi.

Awatokua 15:18

lo fa tënë ni ando na azo kozoni awe.’

1 Korente 2:7

Mbi yeke fa tënë ti ndara ti Nzapa so zo ahinga ni pepe, so lo honde ni na azo. Nzapa aleke tënë ti ndara ni kozo si dunia abaa gigi, ti sara si e wara gonda daa.

Efeze 3:5

Na ya ti angoi so ahon, Nzapa afa tënë ni na azo pepe; me fadeso, na lege ti Yingo ti lo, lo fa tënë ni na *awatokua ti lo nga na awayanga-Nzapa so lo zia ala nde ndali ti lo.

Efeze 3:9

Lo mu nga na mbi lege ti fa polele na azo kue lege so Nzapa ayeke sara titene aye so lo leke na hondengo ni ayeke si ande. Aye ni so, Nzapa so asara ye kue, lo honde tënë ni na be ti lo na ngoi kue.

Ahebro 1:1

Ando, Nzapa atene tënë fani mingi na akotara ti e na lege nde nde; lo zia tënë ni na yanga ti awayanga-Nzapa si ala tene.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.

Aye so Nzapa afa 17:8

Nyama so mo baa lo so ayeke ando na fini, me lo yeke na fini mbeni pepe. Lo yeke londo ande na ya ti *kota du so alinda mingi si lo yeke sigigi titene a buba lo biani biani. Fade li ti azo ti sese ayeke kpe na bango nyama ni, so ti tene azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa. Biani, nyama ni ayeke ando na fini, me fadeso lo yeke na fini mbeni pepe; fade lo yeke kiri ti ga.