Matthieu 13:33 - Mbeti ti Nzapa - Tënë so amu fini

³³ Jésus atene na ala mbeni toli, lo tene: “*Kodro-gbia ti yayu ayeke tongana mama ti mapa so mbeni wali amu, lo bongbi na gba ti farini, lo pika ya ni si mapa ni kue asuku nzoni.”

Matthieu 13:33 Iomraidhean Croise

Tongo nda ti aye 18:6

Abraham ague hio na ya ti da ti bongo ni si lo tene na Sara, lo tene: “Londo hio! Mo mu ye ti hakango na farini, mo haka nzoni farini fani ota, mo sara na gatoo.”

2 Samuel 13:6

Amnon alango na ndö ti gbogbo, lo sara ye tongana zo so tere ti lo aso. Gbia aga abaa lo si lo tene na gbia ni: “Zia lege na ita ti mbi ti wali Tamar aga asara gatoo use na mbi. Ayeke nzoni lo sara gi na le ti mbi, lo wani, lo mu na mbi si mbi te.”

Mbeti ti Job 17:9

Ala yeke tene: “Ayeke nzoni zo ti mbirimbiri angba gi na lege ti sarango ye ti lo; zo so maboko ti lo avuru, ayeke nzoni lo kiri lo gbu ngangu ahon ti kozoni!”

Amato 4:18

Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

Osée 6:3

Tongaso, e sara ngangu ti hinga KOTA GBIA. Nyen na nyen kue, lo yeke ga tongana lâ so ayeke sigigi ka na ndaperere; fade lo yeke ga na mbage ti e tongana ngu-Nzapa, tongana tanga ti ngu-Nzapa so ayeke tuku na ndö ti sese.”

Matthieu 13:24

Jésus atene na ala mbeni toli, lo tene: “*Kodro-gbia ti yayu ayeke tongana ye so mbi ye ti fa: Mbeni koli abi anzoni le ti kobe na le ti yaka ti lo.

Marc 13:20

Tongana *Kota Gbia azi fade ambeni lango ni pepe, ka zo oko ti soo kuâ ayeke daa pepe. Me lo zi ambeni lango ni ndali ti azo so lo soro ala ti ga azo ti lo.

Nzoni Tënë so Luc asu na mbeti 13:21

Kodro ni ayeke tongana mama ti mapa so mbeni wali amu, lo bongbi na gba ti farini, lo pika ya ni si mapa ni kue asuku nzoni.”

Jean 15:2

Maboko ti keke so kue ayeke na ndö ti mbi si ale pepe, Babâ ayeke fâ ni azi; maboko ti keke so ale, lo yeke zi *aguruma ni titene akiri ale mingi.

Galasii 5:9

Azo atene: “Gi kete mama ti mapa laa ayeke sara si mapa ni kue asuku.”

Filipe 1:6

Mbi hinga biani mbi tene, Nzapa so ato nda ti sara nzoni kua na ya ti fini ti ala, fade lo yeke sara ni ngbii ahunzi na lango ti kiringo ti Jésus Christ.

Filipe 1:9

Mbi yeke sambela titene ndoye so ala yeke na ni akiri ague gi na nduzu na nduzu, tongaso si le ti ala azi si ala hinga nga ye mbirimbiri;

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

Awafango-ngbanga 6:19

Gédéon ague, ato kete ngasa; lo mu kilo baleota ti farini si lo zö na mapa so a sara na mama ni pepe. Lo zia kasa ti nyama ni na ya ti mbeni sakpa si lo zia ngu ti kasa ni na ya ti mbeni ta; lo gue na ni na gbe ti keke ti shene ni si lo mu na ange ti KOTA GBIA.

1 Samuel 1:24

Na pekoni so Anne azi molenge ni na me awe, lo gue na lo na da ti KOTA GBIA na Silo. Lo mu nga na tere ti lo koli-bagara ti ngu ota, kota sembe ti farini oko, na vin so lo zia na ya ti bozo ti poro ti nyama. Andaa na ndembe ni so, Samuel ade kete molenge.