Matthieu 13:3 - Mbeti ti Nzapa - Tënë so amu fini

³ Lo tene tënë na ala mingi na lege ti atoli, lo tene: “Mbeni zo ague na yaka ti lo ti bi ale ti kobe.

Matthieu 13:3 Iomraidhean Croise

Abia (Psaumes) 49:4

Yanga ti mbi ayeke tene atënë ti ndara, be ti mbi ayeke tene atënë ti hingango ndo.

Abia (Psaumes) 78:2

Mbi yeke zi yanga ti mbi ti tene tënë na lege ti mbeni toli si ye so angba ando na hondengo ni, e lingbi ti manda ye na lege ni.

Ezekiel 17:2

“*Molenge ti zo, mo fa mbeni *mato na azo ti Israel; mo tene na ala mbeni toli.

Mishe 2:4

Na lango ni so, fade azo ayeke he bia na iri ti ala, azo ayeke he bia ti totongo kuâ so, atene: “A mu aye ti e kue kue kue awe! A gbanzi sese ti azo ti e awe! A kangbi ya ti sese ni na popo ti awato ti e. Ngbanga ti nyen si a mu aye ni na maboko ti e so?”

Habakuk 2:6

Me ti azo so lo zia ala na gbe ti komandema ti lo so, fade ala kue ayeke kasa lo, ala yeke he lo na ngia si ala yeke tene atënë ti songo be na lo.” Fade ala yeke tene: “Mawa na mo, mo so mo yeke bongbi na ndö ti tere, na ndö ti tere aye so ayeke ti mo pepe! Mo yeke bongbi ni ngbii asi lawa? Gba ti ayongo laa mo bongbi ni na ndö ti mo.

Matthieu 13:4

So lo yeke bi ale ti kobe ni, ambeni atuku na tere ti lege; andeke aga si ate ni kue.

Matthieu 13:53

So Jésus ahunzi ti tene atoli so awe, lo londo na ndo so si lo hon.

Matthieu 22:1

Jésus akiri atene tënë na ala na lege ti toli, lo tene:

Matthieu 24:32

“Ayeke nzoni ala manda ye na lege ti keke ti fige: gi so amaboko ti keke ni aga fini ni si akugbe ni ayeke sigigi daa, ala hinga atene, ngoi ti lungo ale ti kobe aga nduru awe.

Marc 12:1

Na pekoni, Jésus ato nda ti tene tënë na ala na lege ti atoli, lo tene: “Mbeni zo afâ yaka ti *vinye. Lo sara gbagba na tere ni kue, lo zi du titene a pete le ti vinye ni daa, lo leke mbeni ndo na nduzu titene zo aluti daa ti baa ndo na tere ti yaka ni. Na pekoni, lo zia yaka ni na maboko ti ambeni zo ti fango yaka ti vinye si lo gue na mbeni kodro nde.

Marc 12:12

Amakonzi ti azuife agi lege ti gbu Jésus, ngbanga ti so ala hinga atene, lo tene toli so na ndö ti ala; me ala sara mbeto ti gba ti azo. Tongaso ala zia lo si ala gue.

Marc 3:23

Jésus airi ala si lo fa na ala mbeni toli, lo tene: “Satan alingbi ti tumba Satan?

Marc 4:13

Na pekoni, Jésus ahunda ala, atene: “Ala hinga nda ti toli so pepe? Fade ala yeke hinga nda ti tanga ti atoli ni kue tongana nyen?

Marc 4:33

Jésus afa tënë mingi na azo na lege ti mara ti atoli tongaso. Lo fa na ala gi ye so ala lingbi ti ma ya ni.

Nzoni Tënë so Luc asu na mbeti 12:41

Pierre ahunda lo, atene: “*Kota Gbia, toli so mo tene so ayeke gi ndali ti e wala ndali ti azo kue?”

Nzoni Tënë so Luc asu na mbeti 8:10

Lo tene: “Ti ala, Nzapa amu na ala lege ti hinga nda ti tënë ti *Kodro-gbia ti Nzapa so angba na hondengo ni, me ti ambeni zo, a tene tënë ni na ala na lege ti atoli titene ‘ala yeke baa ndo, me ala yeke baa ye pepe; ala yeke ma ndo, me ala yeke ma ya ti atënë ni pepe.’ ”

Jean 16:25

“Mbi tene na ala atënë so na lege ti atoli. Ngbonga ni ayeke ga ande so mbi yeke kiri ti tene tënë na ala na lege ti toli pepe, me mbi yeke tene tënë na ala na ndo ti Babâ polele.