Matthieu 13:11 - Mbeti ti Nzapa - Tënë so amu fini

¹¹ Lo kiri tënë na ala: “Ti ala, Nzapa amu na ala lege ti hinga nda ti tënë ti *Kodro-gbia ti yayu so angba na hondengo ni, me ti azo ni, Nzapa amu na ala lege ti hinga ni oko pepe.

Matthieu 13:11 Iomraidhean Croise

Abia (Psaumes) 25:14

KOTA GBIA ayeke fa tënë ti be ti lo na azo so ayeke kpe mbeto ti lo; lo yeke fa nga na ala tënë ti mbuki ti lo.

Ésaïe 29:10

Biani, *KOTA GBIA asara si yingo ti kota lango aga na ndö ti ala. Lo kanga le ti awayanga-Nzapa ti ala, lo bi bongo na le ti azo ti bango nda ti aye ti ala.

Ésaïe 29:11

Na ala, aye so kue Nzapa afa ayeke tongana tënë so a su na ya ti mbeti so a kanga yanga ni si a kpo nzoroko na ndö ni. A mu mbeti ni na zo so ahinga ti diko mbeti si a tene na lo: “Diko mbeti so!” Me zo ni akiri tënë: “Mbi lingbi ti diko ni pepe, ngbanga ti so a kpo nzoroko na ndö ti mbeti ni.”

Ésaïe 35:8

Na ndo so, a yeke suru mbeni lege so a di iri ni “Lege so a zia nde”. Zo ti *sioni oko alingbi ti hon daa pepe, a yeke bata ni ndali ti azo ti KOTA GBIA titene ala tambula daa. Azo ti buba ayeke girisa lege na ndo so pepe.

Matthieu 13:10

Adisiple aga nduru na tere ti Jésus si ala hunda lo, atene: “Ngbanga ti nyen si mo yeke tene tënë na ala na lege ti atoli?”

Matthieu 16:17

Jésus akiri tënë na lo: “Ti mo nzoni Simon, molenge ti Jean! Tënë so mo tene so, zo laa azia ni na yanga ti mo pepe, me Babâ ti mbi so ayeke na yayu laa afa na mo.

Matthieu 19:11

Jésus akiri tënë na ala: “Tënë so mbi fa na ala so, azo kue laa alingbi ti hinga nda ni pepe, me gi azo so Nzapa amu lege na ala ti hinga ni.

Matthieu 20:23

Jésus atene na ala: “Biani, fade ala yeke nyon kopo ti mbi ni; me tënë ti dutingo na mbage ti maboko ti mbi ti koli na ti wali, mbi laa mbi yeke mu ni na azo pepe. Ndo ni ayeke ti azo so Babâ ti mbi aleke ni ndali ti ala.”

Marc 10:40

Me tënë ti dutingo na mbage ti maboko ti mbi ti koli wala na mbage ti maboko ti mbi ti wali, mbi laa mbi yeke mu ni na zo pepe. Ndo ni ayeke ti azo so Nzapa aleke ni ndali ti ala.”

Marc 4:11

Lo tene na ala: “Ti ala azo ti mbi, Nzapa amu na ala lege ti hinga nda ti *Kodro-gbia ti Nzapa so angba na hondengo ni, me ti azo ti gigi, ala ma tënë ni na lege ti atoli

Nzoni Tënë so Luc asu na mbeti 8:10

Lo tene: “Ti ala, Nzapa amu na ala lege ti hinga nda ti tënë ti *Kodro-gbia ti Nzapa so angba na hondengo ni, me ti ambeni zo, a tene tënë ni na ala na lege ti atoli titene ‘ala yeke baa ndo, me ala yeke baa ye pepe; ala yeke ma ndo, me ala yeke ma ya ti atënë ni pepe.’ ”

Jean 6:65

Lo kiri lo tene: “Ndani laa, mbi tene na ala, tongana Babâ amu lege na mbeni zo pepe, zo ni alingbi ti ga na mbi pepe.”

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.

Awatokua 16:14

Mbeni wali ti gbata ti Tiatire so iri ti lo Lydie ayeke kâ; kua ti lo ayeke ti kango abengba bongo so ngere ni ayeke ngangu mingi. Lo yeke mbeni wali so lo yeke voro Nzapa kozoni; lo yeke ma tënë ti e, ngbanga ti so *Kota Gbia azi be ti lo ti ma atënë ti Paul.

Rome 11:25

A-ita, mbi ye titene ala hinga taa-tënë so a sigigi na nda ni awe, tongaso si ala baa tere ti ala tongana azo ti ndara pepe. Tënë ni ayeke so: fade ambeni zo ti Israel ayeke ngba ti sara ngangu li ngbii asi na ndembe so wungo ti azo ti amara nde alingbi, so ti tene ala so ayeke li na popo ti azo ti Nzapa.

Rome 16:25

Ayeke nzoni e gonda Nzapa! Lo yeke na ngangu ti sara si ala kpengba na lege ti mabe so alingbi gi na Nzoni Tënë ti Jésus Christ so mbi yeke fa. Nzoni Tënë ni ayeke tënë so Nzapa ahonde ando ngu na ngu si lo fa ni na e fadeso.

1 Korente 13:2

Tongana mbi yeke na matabisi ti tenengo peko ti tënë ti yanga ti Nzapa, tongana mbi hinga nda ti aye so kue angba na hondengo ni, tongana mbi hinga ye kue, tongana mbi yeke na mabe ti sara si ahoto alondo ahon si mbi ye amba ti mbi pepe, mbi yeke ye oko pepe.

1 Korente 15:51

Mbi ye ti fa na ala mbeni ye so angba na hondengo ni: fade e yeke kui kue pepe, me fade tere ti e kue ayeke ga nde

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

1 Korente 2:7

Mbi yeke fa tënë ti ndara ti Nzapa so zo ahinga ni pepe, so lo honde ni na azo. Nzapa aleke tënë ti ndara ni kozo si dunia abaa gigi, ti sara si e wara gonda daa.

1 Korente 4:1

Ayeke nzoni ala baa e tongana azo ti kua ti Christ, awabatango taa-tënë ti Nzapa so angba na hondengo ni.

1 Korente 4:7

Biani, zo wa laa atene na mo atene, mo hon azo kue? Aye so mo yeke na ni so, Nzapa laa amu ni na mo pepe? Tongana Nzapa laa amu ni na mo, ngbanga ti nyen laa mo yeke gonda tere ti mo daa, mo baa mo tene, aye so mo yeke na ni so a mu na mo mungo pepe?

Efeze 1:18

Mbi hunda nga titene lumiere ti Nzapa aza na ya ti hingango ndo ti ala, tongaso si ala lingbi ti hinga ye so lo iri ala ngbanga ni si lo yeke leke ti ku na ala so. Tongaso, fade ala hinga atene, aye so lo bata ndali ti azo ti lo ayeke anzoni ye ahon ndoni,

Efeze 1:9

Ye so lo leke na be ti lo si angba na hondengo ni, lo sara si e hinga ni: so ti tene, ye so lo leke kozoni na lege ti nzoni be ti lo ti sara ni na lege ti Christ.

Efeze 5:32

Tënë so ayeke kota mingi, azo alingbi ti hinga nda ni kue pepe. Tënë so mbi yeke tene so ayeke tënë ti Christ na Eglize,

Efeze 6:19

Ala sambela nga ndali ti mbi titene Nzapa azia tënë ti lo na yanga ti mbi si mbi fa Nzoni Tënë na azo na mbeto pepe; Nzoni Tënë so angba fade na hondengo ni.

Kolose 2:2

Mbi ye titene be ti ala awara ngangu, ala ga oko na lege ti yengo tere si ala wara lege ti mango ya ti tënë nzoni kue. Tongaso, fade ala yeke hinga nda ti tënë ti Nzapa so angba fade na hondengo ni: tënë ni ayeke Christ.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

1 Timothée 3:9

Ala bata tënë ti mabe so a sigigi na nda ni awe, ala bata tënë ni na vurungo be.

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.

1 Jean 2:20

Ti ala, a-ita, ala wara Yingo-Vuru so Christ amu na ala si ala kue ahinga taa-tënë awe.

1 Jean 2:27

Me ti ala, a-ita, Yingo so Christ amu na ala angba na ya ti ala. Akpa titene mbeni zo akiri afa ye fango na ala pepe, ngbanga ti so Yingo ni ayeke fa na ala ye kue: ye so lo yeke fa ayeke taa-tënë, lo yeke tene mvene pepe. Ndani laa, ayeke nzoni ala ngba ti duti oko na Christ tongana ti so Yingo afa na ala.