Matthieu 12:6 - Mbeti ti Nzapa - Tënë so amu fini

⁶ Mbi tene na ala so, mbeni ye ayeke ge so ayeke kota ahon kota da ti Nzapa!

Matthieu 12:6 Iomraidhean Croise

2 Mbai 6:18

“Me Nzapa alingbi biani ti duti na ndo oko na azo na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

Ésaïe 66:1

Tënë so *KOTA GBIA atene ayeke so: “Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Mara ti da wa laa ala lingbi ti sara na mbi? Ndo wa laa mbi lingbi ti wu tere ti mbi daa?

Ésaïe 66:2

Aye so kue, maboko ti mbi laa asara ni si abaa gigi, so tënë ti yanga ti mbi KOTA GBIA laa. Me zo ti mawa so be ti lo awoko, lo so lo ma tënë ti mbi si tere ti lo ayeke do, zo tongaso laa mbi yeke baa lo na nzoni le.

Malashii 3:1

Tënë so *KOTA GBIA so ayeke na ndö ti dunia kue atene laa: “Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa tënë ti *mbuki ti mbi na ala.

Matthieu 12:5

Na mbage, na lango ti wungo tere, awayango-sandaga ayeke sara kua na ya ti kota da ti Nzapa, me a fâ ngbanga na li ti ala pepe! Ala diko tënë ni na ya ti Ndia ti Moïse pepe?

Kolose 2:9

Biani, Nzapa aduti kue kue kue na ya ti tere ti Christ so aga zo.