Matthieu 12:46 - Mbeti ti Nzapa - Tënë so amu fini

⁴⁶ So Jésus angba ti tene tënë na gba ti azo so, mama ti lo na a-ita ti lo asi. Ala yeke luti na gigi, ala yeke gi lege ti tene tënë na lo.

Matthieu 12:46 Iomraidhean Croise

Matthieu 1:18

Lege ti dungo Jésus Christ ayeke tongaso. Mama ti lo Marie ayeke wali so Joseph aye ti mu lo; me kozo titene ala mu tere, Marie amu ngo na lege ti Yingo-Vuru.

Matthieu 12:47

Mbeni zo atene na Jésus: “Baa, mama ti mo na a-ita ti mo ayeke luti na gigi; ala ye ti tene tënë na mo.”

Matthieu 13:55

Molenge ti sarapande so laa pepe? Marie laa ayeke mama ti lo pepe? Jacques, Joseph, Simon na Jude ayeke a-ita ti lo ti koli pepe?

Matthieu 2:11

Ala li na ya ti da ni si ala baa molenge ni na mama ti lo Marie. Ala kuku na sese si ala voro molenge ni. Na pekoni, ala zi ya ti akungba ti ala si ala mu anzoni ye na molenge ni: lôro, dukani na *mire.

Matthieu 2:20

Lo tene na Joseph: “Londo, mu molenge ni, lo na mama ti lo, mo kiri na sese ti Israel, ngbanga ti so ala so agi lege lani ti fâ molenge ni akui awe.”

Marc 2:21

“Zo alingbi ti mu fini yanga ti bongo ti fu na le ti ka ti ngbene bongo pepe, ngbanga ti so fade fini yanga ti bongo ni ayeke suru ngbene bongo ni si le ti ka ni aga kota.

Marc 6:3

Sarapande so laa pepe? So molenge ti Marie laa pepe? Ita ti Jacques, na Yozes, na Jude na Simon so laa pepe? A-ita ti lo ti wali ayeke na popo ti e ge pepe?” Ye so asara si azo ni ake ti ma na be na lo.

Nzoni Tënë so Luc asu na mbeti 1:43

Mbi yeke zo wa si mama ti *Kota Gbia ti mbi aga na ndo ti mbi so?

Nzoni Tënë so Luc asu na mbeti 2:33

Li ti babâ na mama ti Jésus kue akpe ndali ti tënë so Siméon ayeke tene na ndö ti lo.

Nzoni Tënë so Luc asu na mbeti 2:34

Siméon asara tufa na ndö ti ala si lo tene na Marie, mama ti molenge ni, lo tene: “Baa, ndali ti Molenge so, fade azo ti Israel mingi ayeke ti si ambeni mingi ayeke londo. Molenge so ayeke ga mbeni ye ti kite;

Nzoni Tënë so Luc asu na mbeti 2:48

So babâ na mama ti lo abaa lo, li ti ala kue akpe si mama ni atene na lo: “Molenge ti mbi, mo sara mara ti ye tongaso na e ngbanga ti nyen? Baa, mbi na babâ ti mo, e gi mo gbaa, be ti e kue ayeke na nduzu.”

Nzoni Tënë so Luc asu na mbeti 2:51

Na pekoni, Jésus na ala akiri na Nazaret. Lo yeke ma yanga ti ala. Mama ti lo angba ti dabe ti lo na aye so.

Nzoni Tënë so Luc asu na mbeti 8:10

Lo tene: “Ti ala, Nzapa amu na ala lege ti hinga nda ti tënë ti *Kodro-gbia ti Nzapa so angba na hondengo ni, me ti ambeni zo, a tene tënë ni na ala na lege ti atoli titene ‘ala yeke baa ndo, me ala yeke baa ye pepe; ala yeke ma ndo, me ala yeke ma ya ti atënë ni pepe.’ ”

Jean 19:25

Mama ti Jésus, na ita ti mama ti lo, na Marie, wali ti Klopas nga na Marie ti kodro ti Magdala ayeke luti nduru na tere ti keke ti kroa ti Jésus.

Jean 2:1

Lango use na pekoni, mbeni matanga ti mungo tere ti koli na wali aduti na kete kodro ti Kana, na sese ti Galile. Mama ti Jésus ayeke kâ.

Jean 2:12

Na pekoni, Jésus ague na Kapernaum, lo na mama ti lo, a-ita ti lo na adisiple ti lo. Ala lango kâ gi kete.

Jean 2:5

Tongaso mama ti Jésus atene na azo ti kua ni, atene: “Ala sara ye so kue lo yeke hunda na ala.”

Jean 7:10

So a-ita ti lo ahon na matanga ni awe, Jésus nga ague na matanga ni; me lo gue na hondengo ni si azo abaa lo pepe.

Jean 7:3

A-ita ti Jésus atene na lo: “Londo na ndo so, mo gue na Judée si adisiple ti mo nga abaa ye so mo yeke sara.

Jean 7:5

Ataa a-ita ti lo, ala ma na be na lo pepe.

Awatokua 1:14

Lakue na beoko, ala kue ayeke bongbi ti sambela, ala na ambeni wali, na Marie, mama ti Jésus nga na a-ita ti Jésus.

1 Korente 9:5

E lingbi fade ti mu wali so ayeke zo ti Christ na tere ti e na ya ti atambula ti e pepe? Atanga ti awatokua, a-ita ti Kota Gbia na Pierre ayeke sara ni!

Galasii 1:19

Mbi baa mbeni watokua nde pepe, me zo so mbi baa lo ayeke gi Jacques, ita ti *Kota Gbia.