Matthieu 12:44 - Mbeti ti Nzapa - Tënë so amu fini

⁴⁴ Tongaso, lo tene na be ti lo: ‘Mbi yeke kiri na ndo ti mbi so mbi londo daa si mbi sigigi so.’ So lo kiri lo si, lo baa so ya ti da ni ayeke gi senge senge, andaa a sukula ya ni si a leke ya ni nzoni.

Matthieu 12:44 Iomraidhean Croise

Osée 7:6

na ndembe so ala ga nduru na tere ti lo. Biani, azo ni ayeke leke tënë na be ti ala ti sara sioni, ala yeke tongana wâ ti fur. Na bi kue, ala kanga ngonzo ti ala, me na ndaperere, ngonzo ni ayeke gbi ndo tongana kota wâ.

Matthieu 12:29

“Zo alingbi ti li na ya ti da ti zo ti ngangu ti gbu akungba ti lo ti hon na ni gi tongana lo kanga zo ti ngangu ni kozoni si. Tongana lo kanga zo ti ngangu so awe, lo lingbi ti nzi akungba ti da ni kue ti hon na ni.

Matthieu 12:43

“Tongana mbeni sioni yingo asigigi na ya ti zo, yingo ni ayeke fono na ndo so ngu ayeke daa pepe ti gi mbeni ndo ti wu tere ti lo daa; me lo wara ndo ni pepe.

Matthieu 12:45

Tongaso lo gue, lo mu ambeni yingo mbarambara so ayeke sioni ahon lo; lo na ala aga ali na ya ti da ni si aduti daa. Na pekoni, dutingo ti zo so ayeke ga sioni ahon ti kozoni. Ye so ayeke si ande na azo ti sioni ti fadeso laa.”

Nzoni Tënë so Luc asu na mbeti 11:25

So lo kiri lo si, lo wara da ni, andaa a balee ya ni, a leke ni kue nzoni awe.

Jean 12:6

Lo tene tënë so, ngbanga ti so tënë ti azo ti mawa agbu be ti lo pepe, me ngbanga ti so lo yeke zo ti nzi: lo yeke bata bozo ti nginza si lo yeke nzi nginza so azo ayeke bi na ya ni.

Jean 13:2

So ala yeke te kobe ti lakui, Zabolo azia na be ti Judas, molenge ti Iskariote ti ka Jésus.

Jean 13:27

So Judas amu mapa ni, Satan ali na ya ti lo. Jésus atene na lo: “Ye so mo ye ti sara, sara ni hio!”

1 Korente 11:19

Ti tene taa-tënë, alingbi kangbi aduti na popo ti ala, tongaso si a hinga azo so na popo ti ala ayeke sara ye na legeni.

Efeze 2:2

Ala yeke sara ye ando tongana ti azo ti dunia so; ala yeke ma gi yanga ti makonzi ti asioni yingo so ayeke na popo ti nduzu na sese, yingo so laa ayeke sara kua na be ti azo so ake ti ma yanga ti Nzapa.

1 Jean 2:19

Azo ni so ayeke azo ti e pepe, nilaa ala londo na popo ti e si ahon. Tongana azo ni ayeke fade azo ti e, ka ala ngba na popo ti e. Me ala zia e ahon ti fa polele na le ti azo atene, mbeni zo oko na popo ti ala ayeke zo ti e pepe.

1 Jean 4:4

Ti ala amolenge ti mbi, ala yeke azo ti Nzapa. Ala hon ndö ti awayanga-nzapa ti mvene so awe, ngbanga ti so Yingo so ayeke na ya ti ala ayeke ngangu ahon lo so ayeke na dunia so.