Matthieu 12:41 - Mbeti ti Nzapa - Tënë so amu fini

⁴¹ Na lango ti fango ngbanga, fade azo ti Ninive ayeke londo ti luti na le ti azo ti fadeso ti fâ ngbanga na li ti ala, ngbanga ti so na ndembe so azo ti Ninive ama tënë ti Nzapa so Jonas afa, ala zia ngbene lege ti sarango ye ti ala. Mbeni zo ayeke ge so ayeke kota ahon Jonas!

Matthieu 12:41 Iomraidhean Croise

Ésaïe 54:17

Aye ti bira so kue a leke ti tiri na ni na mo, alingbi ti sara ye oko na mo pepe. Zo so kue ayeke bi tënë na li ti mo na le ti ngbanga, mo yeke sara si ngbanga ati na li ti lo. Baa ye so mbi bata ndali ti azo ti kua ti mbi, KOTA GBIA laa. Baa lege so mbi yeke fâ ngbanga ti ala laa; so tënë ti yanga ti mbi KOTA GBIA laa.”

Jérémie 3:11

KOTA GBIA akiri atene na mbi: “Tongana a haka Israel-wali-pupulenge na Juda-wali-gbanambana, Israel alingbi ti baa tere ti lo atene, ni yeke mbirimbiri ni hon Juda.

Jonas 1:2

“Londo, mo gue na Ninive, kota gbata so! Mo dekongo na tënë ti yanga ti mbi na azo ni, mo tene, mbi baa sioni ti ala ahon ndoni awe.”

Jonas 3:4

Na ya ti lango oko, Jonas atambula na ya ti gbata ni si lo yeke dekongo, lo tene: “Angba lango baleosio titene Ninive abuba biani biani.”

Matthieu 12:39

Jésus akiri tënë na ala: “Azo ti fadeso ayeke azo ti sioni, ala ye ti ma yanga ti Nzapa pepe. Ala yeke hunda ti baa mbeni ye ti kpene; me fade ala yeke baa mbeni ye ti kpene oko pepe, gi ye ti kpene so asi ando na wayanga-Nzapa Jonas so alingbi awe.

Matthieu 12:42

Na lango ti fango ngbanga, fade gbia-wali ti kodro so ayeke na Mbongo ayeke londo ti luti na le ti azo ti fadeso ti fâ ngbanga na li ti ala, ngbanga ti so lo londo ando na nda ti sese yongoro ti ga ti ma atënë ti ndara so Salomon ayeke tene. Mbeni zo ayeke ge so ayeke kota ahon Salomon!”

Matthieu 12:45

Tongaso lo gue, lo mu ambeni yingo mbarambara so ayeke sioni ahon lo; lo na ala aga ali na ya ti da ni si aduti daa. Na pekoni, dutingo ti zo so ayeke ga sioni ahon ti kozoni. Ye so ayeke si ande na azo ti sioni ti fadeso laa.”

Matthieu 12:6

Mbi tene na ala so, mbeni ye ayeke ge so ayeke kota ahon kota da ti Nzapa!

Matthieu 16:4

Azo ti fadeso ayeke azo ti sioni, ala yeke ma yanga ti Nzapa pepe! Ala yeke hunda ti baa mbeni ye ti kpene, me fade ala yeke baa mbeni ye ti kpene oko pepe, gi ye ti kpene so asi ando na Jonas so alingbi awe!” Na pekoni, Jésus azia ala na ndo so si lo mu lege, lo hon.

Matthieu 17:17

Jésus akiri tënë: “Ala azo ti fadeso, ala yeke na mabe pepe, ala yeke azo ti kirikiri! Mbi yeke ngba ti duti na tere ti ala ngbii asi lawa? Mbi yeke ngba ti kanga be ti mbi na ala ngbii asi lawa? Ala ga na mbi molenge ni ge!”

Matthieu 23:36

Mbi tene na ala taa-tënë: fade ngbanga ti ye so kue ayeke ti na li ti azo ti fadeso!”

Nzoni Tënë so Luc asu na mbeti 11:32

Na lango ti fango ngbanga, fade azo ti Ninive ayeke londo ti luti na le ti azo ti fadeso ti fâ ngbanga na li ti ala, ngbanga ti so azo ti Ninive akiri na lege ti Nzapa. Na ndembe so azo ti Ninive ama tënë so Jonas afa, ala zia ngbene lege ti sarango ye ti ala. Mbeni zo ayeke ge so ayeke kota ahon Jonas!”

Jean 3:31

“Zo so alondo na yayu si aga, lo hon azo kue; me zo so ayeke zo ti sese, lo yeke ti sese, lo yeke tene tënë tongana zo ti sese. Zo so alondo na yayu si aga, lo hon azo kue.

Jean 4:12

Kotara ti e Jacob laa azia na e du ti ngu so; lo na amolenge ti lo na anyama ti lo kue anyon ngu ti ya ni. Mo yeke kota, mo hon lo?”

Rome 2:27

Zo ti mbeni mara nde so afâ ganza pepe si lo yeke sara ye alingbi na Ndia, fade lo yeke fâ ngbanga na li ti mo so mo yeke zuife ndali ti so mo fâ ganza awe, me mo yeke sara ye alingbi na Ndia pepe so.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.