Matthieu 12:4 - Mbeti ti Nzapa - Tënë so amu fini

⁴ Lo li na ya ti da ti Nzapa si lo na azo so amu peko ti lo ate mapa so a mu na *sandaga na Nzapa. Andaa a mu lege na ala pepe ti te mapa ni, me gi awayango-sandaga laa alingbi fade ti te ni!

Matthieu 12:4 Iomraidhean Croise

Sigingo 25:30

Fade ala yeke mu mapa so a leke si a yeke zia na dawa ti mbi, ala zia na ndö ti meza ni si angba na dawa ti mbi lakue lakue.”

Awayango-sandaga 8:31

Moïse atene na Aaron na amolenge ti lo: “Ala to kasa ti nyama ni na yanga ti da ti bongo so KOTA GBIA na azo ti lo ayeke wara tere daa. Gi na ndo so, fade ala yeke te ni na mapa so a sara ndali ti matanga ni, alingbi na yanga so mbi KOTA GBIA, mbi mu na ala.

Matthieu 12:3

Jésus akiri tënë na ala: “Ye so David na azo so amu peko ti lo asara ando na ndembe so nzara agbu ala, ala diko tënë ni pepe?

Matthieu 12:5

Na mbage, na lango ti wungo tere, awayango-sandaga ayeke sara kua na ya ti kota da ti Nzapa, me a fâ ngbanga na li ti ala pepe! Ala diko tënë ni na ya ti Ndia ti Moïse pepe?

Marc 2:26

David ali na ya ti da ti Nzapa, lo mu mapa so a mu na *sandaga na Nzapa, lo te ni si lo mu mbeni na azo so amu peko ti lo. Na ngoi ni so, Abiatar laa ayeke kota wayango-sandaga. Andaa a mu lege gi na awayango-sandaga ti te mapa ni!”

Nzoni Tënë so Luc asu na mbeti 6:4

Lo li na ya ti da ti Nzapa, lo mu mapa so a mu na *sandaga na Nzapa, lo te ni si lo mu mbeni na azo so amu peko ti lo; andaa a mu lege gi na awayango-sandaga oko ti te mapa ni!”

Ahebro 9:2

Ndali ni, azo aleke mbeni da ti bongo. Kozo ndo ti ya ti da ti bongo ni, a iri ni “ndo so ayeke nde si ayeke nzoni kue”. Na ndo ni so, ala zia gere ti alamba na meza daa, meza so mapa ti mungo na Nzapa ayeke na ndö ni.

1 Samuel 21:4

Me nyen laa ayeke na maboko ti mo so? Mu na mbi mapa oku wala mbeni ye so ayeke na maboko ti mo so.”

1 Samuel 21:6

David akiri tënë na wayango-sandaga, atene: “Biani, lakue tongana e londo ka ti gue na bira, a yeke ke na e ti lango na awali. Na ndö ni, tongana mbi londo ti gue na bira, a yeke zia aye ti bira ti azo ti mbi nde ndali ti Nzapa. Tongana lege ti e ti laso ayeke senge lege laa, fade aye ti bira ni ayeke sara si aga *nzoni, ngbanga ti so a mu ni na Nzapa awe.”