Matthieu 12:38 - Mbeti ti Nzapa - Tënë so amu fini

³⁸ Tongaso, ambeni wafango-ndia na ambeni *farizien atene na Jésus: “Wafango-ye, e ye titene mo sara mbeni ye ti kpene si e baa.”

Matthieu 12:38 Iomraidhean Croise

Matthieu 12:37

Biani, gi na lege ti atënë ti yanga ti mo laa a yeke fa ande atene, mo yeke zo ti mbirimbiri; gi na lege ti atënë ti yanga ti mo nga laa a yeke fâ ande ngbanga na li ti mo.”

Nzoni Tënë so Luc asu na mbeti 11:16

Ti ambeni zo ni, ala ye ti sara si lo ti na ya ti gbanda ti ala. Nilaa ala hunda na lo titene lo sara mbeni ye ti kpene ti fa atene, lo londo na Nzapa.

Nzoni Tënë so Luc asu na mbeti 11:29

So azo ayeke bongbi gbani gbani na tere ti Jésus, lo to nda ti tene tënë na ala, lo tene: “Azo ti fadeso ayeke azo ti sioni; ala yeke hunda ti baa mbeni ye ti kpene, me fade ala yeke baa mbeni ye ti kpene oko pepe, gi ye ti kpene so asi ando na Jonas so alingbi awe.

Jean 2:18

Amakonzi ti azuife ahunda lo, atene: “Ye ti kpene wa laa mo yeke sara ti fa na e so, Nzapa laa amu na mo lege ti sara ye so?”

Jean 4:48

Jésus atene na lo: “Tongana ala baa ye ti kpene na ye ti dongo pepe, fade ala yeke ma na be oko pepe!”

Jean 6:30

Ala kiri tënë na lo, atene: “Nyen laa mo yeke sara titene e baa si e ma na be na mo? Ye so mo yeke sara ande ayeke nyen?

1 Korente 1:22

Azuife ayeke hunda ti baa ambeni ye ti kpene; agreke ayeke gi ti ma atënë ti ndara.