Matthieu 12:34 - Mbeti ti Nzapa - Tënë so amu fini

³⁴ Ala asioni mara ti ngbo! Ala yeke tene anzoni tënë ngbanga ti nyen, so ala wani ayeke asioni zo so? Ye so asi singo na be ti zo laa ayeke sigigi na lege ti tënë ti yanga ti lo.

Matthieu 12:34 Iomraidhean Croise

Abia (Psaumes) 53:1

Bia so ayeke ndali ti makonzi-bia; a he ni na *ngoli. Bia ti fango ye na zo; bia ti David.

Abia (Psaumes) 64:3

Honde mbi si ye so azo ti sioni aleke na tere ti mbi asi na mbi pepe; honde mbi si ye so azo ti sarango sioni ama tere ti sara na mbi awara mbi pepe.

Abia (Psaumes) 64:5

Ala honde tere ti ala ti pika ale ti kokora ni na ndö ti zo so alingbi kue; gi hio tongaso, ala pika ale ti kokora ni, mbeto asara ala oko pepe.

Amato 16:23

Zo so ayeke gbu li ti lo na ndara, lo yeke gbu li ti lo kozoni si lo tene tënë; azo kue ayeke yeda na lo tongana lo tene tënë.

Amato 4:23

Mo sara hange na atënë so ayeke na be ti mo kâ, ngbanga ti so lege ti fini ti mo alondo daa.

Ésaïe 32:6

Biani, zo ti buba ayeke tene abuba tënë, lo yeke zia be ti lo gi ti sara sioni, lo yeke sara aye so ayeke sioni mingi si lo yeke tene asioni tënë na tere ti *KOTA GBIA. Zo so nzara asara lo, lo yeke mu na lo kobe pepe, zo so nzara ti ngu asara lo, lo yeke mu na lo ngu ti nyongo ni pepe.

Ésaïe 59:14

Ndani laa sarango ye na legeni akiri na peko, fango ngbanga ti mbirimbiri ayeke yongoro. Na be ti kodro, tenengo taa-tënë ati na sese, sarango ye na legeni ayeke daa mbeni pepe.

Ésaïe 59:4

Tënë so ala gue na ni na le ti ngbanga, ayeke na legeni pepe; ala yeke gbu koko ti azo na lege ti taa-tënë pepe. Ala yeke luti na ndö ti ye so ayeke ye oko pepe, ala yeke tene atënë ti mvene; ala yeke mu ngo ti ye ti sioni si ala yeke du ye ti kirikiri.

Ésaïe 9:17

Biani, sioni ti azo ni ayeke gbi ye tongana wâ so ayeke gbi aki na akamba ti ki. Wâ ni ati na ya ti gbako si ngbongboro guru ayeke londo ti gue na nduzu.

Matthieu 12:35

Nzoni zo ayeke sigigi na anzoni ye so ayeke na be ti lo; sioni zo ayeke sigigi na asioni ye so ayeke na be ti lo.

Matthieu 15:18

Me ye so asigigi na yanga ti zo, alondo na be ti lo. So laa asara titene zo ni aga *sioni.

Matthieu 23:33

Ala angbo, ala asioni mara ti ngbo! Fade ala yeke sara tongana nyen ti kpe ngbanga so ayeke ku ala na ndo so wâ ayeke gbi daa lakue so?

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Nzoni Tënë so Luc asu na mbeti 3:7

Gba ti azo aga na Jean titene lo batize ala si lo tene na ala, lo tene: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Nzoni Tënë so Luc asu na mbeti 6:45

Nzoni zo ayeke sigigi na anzoni ye so ayeke na be ti lo; me sioni zo ayeke sigigi na asioni ye so ayeke na be ti lo. Biani, ye so asi be ti zo laa ayeke sigigi na lege ti tënë ti yanga ti lo.”

Jean 8:44

Babâ ti ala ayeke Zabolo, ala ye ti sara gi ye so be ti lo aye; kua ti lo ngbene ye na tongo nda ni laa. Lo gi lege laoko ti tene taa-tënë pepe, ngbanga ti so taa-tënë ayeke na ya ti fini ti lo pepe. Mvene ayeke ye ti tere ti lo, ngbanga ti so lo yeke zo ti mvene si lo yeke babâ ti mvene.

Efeze 4:29

Alingbi sioni tënë oko asigigi na yanga ti ala pepe. Me tongana lege ayeke daa, ala tene gi nzoni tënë so alingbi ti mu lege na amba ti ala ti kpengba si asara nzoni na azo so ayeke ma ala.

Efeze 5:4

Asioni tënë, abuba tënë na atënë na ndö ti sarango ye ti kamene asigigi na yanga ti ala pepe. Me ala mu gi singila na Nzapa.

Jacques 3:2

E kue, e yeke girisa lege fani mingi. Tongana mbeni zo agirisa lege na ya ti tenengo tënë ti lo pepe, andaa lo yeke zo ti nzoni kue, lo lingbi ti kanga tere ti lo kue.

1 Jean 3:10

Ye so ayeke fa atene, zo ayeke molenge ti Nzapa wala molenge ti Zabolo ayeke so: zo so ayeke sara ye ti mbirimbiri pepe, wala lo ye ita ti lo pepe, lo yeke zo ti Nzapa pepe.

1 Samuel 24:13

Ayeke nzoni KOTA GBIA afâ ngbanga na popo ti mbi na mo. Ayeke nzoni KOTA GBIA akiri peko ti sioni na mo ndali ti sioni so mo sara na mbi so. Me fade maboko ti mbi ayeke ndu mo pepe.