Matthieu 12:32 - Mbeti ti Nzapa - Tënë so amu fini

³² Tongana zo atene sioni tënë na tere ti *Molenge ti Zo, fade Nzapa ayeke zi tënë na li ti zo ni; me tongana zo atene sioni tënë na tere ti Yingo-Vuru, fade Nzapa ayeke zi tënë na li ti lo pepe, ataa na ngoi ti fadeso, ataa na ngoi so ayeke ga.”

Matthieu 12:32 Iomraidhean Croise

Mbeti ti Job 36:13

Âdu ti azo ti sioni, ala ngba ti sara ngonzo; tongana Nzapa akanga ala na zingiri, ala yeke dekongo na lo pepe titene lo mu maboko na ala.

Matthieu 11:19

*Molenge ti Zo aga, lo yeke te, lo yeke nyon, me azo atene: ‘Ala baa, koli so ayeke gbongo ti kobe si lo yeke nyon samba mingi! Lo ye tënë ti azo ti rongo nginza ti lapo na ti azo ti siokpari!’ Me ndara so alondo na Nzapa, zo ayeke hinga atene, ayeke mbirimbiri ndara gi na lege ti ye so ndara ni asara.”

Matthieu 12:31

Ndani laa mbi tene na ala: fade Nzapa ayeke zi tënë na li ti azo so asara siokpari, na ala so azonga Nzapa; me zo so azonga Yingo-Vuru, fade Nzapa ayeke zi tënë na li ti lo oko pepe.

Matthieu 12:8

Biani, *Molenge ti Zo laa ayeke makonzi ti lango ti wungo tere.”

Matthieu 13:22

Ambeni zo ayeke tongana sese so aki ayeke daa si ale ti kobe atuku daa: ala ma tënë ni, me gingo be ti ala na ndö ti aye ti sese so na nzara ti mosoro akanga ndö ti tënë ni si ale pepe.

Matthieu 13:39

wato so alu asioni pere ni ayeke Zabolo; ngoi ti fango ale ti kobe ni ayeke lango ti ndani; azo ti fango ale ti kobe ni ayeke *a-ange.

Matthieu 13:40

Na lango ti ndani, fade ye ni ayeke duti tongana ti so a sara na asioni pere so a bongbi ni si a gbi ni so:

Matthieu 13:55

Molenge ti sarapande so laa pepe? Marie laa ayeke mama ti lo pepe? Jacques, Joseph, Simon na Jude ayeke a-ita ti lo ti koli pepe?

Matthieu 8:20

Jésus atene na lo: “Anyama ti gbungo kondo ayeke na du so ala yeke lango na ya ni, andeke ti nduzu ayeke na da ti lango ti ala; me *Molenge ti Zo ayeke na mbeni ndo ti ziango li ti lo daa pepe.”

Marc 10:30

fade lo yeke wara ada, a-ita ti koli na ti wali, amama, amolenge na ayaka fani ngbangbo oko na ya ti ngoi so e yeke daa so. Fade azo ayeke sara ngangu na lo si na ya ti ngoi so ayeke ga, lo yeke wara fini so angba lakue lakue.

Marc 3:28

Mbi tene na ala taa-tënë: asioni ye so kue azo asara, ataa zonga so ala zonga na Nzapa, fade lo yeke zi tënë ni na li ti ala.

Marc 3:29

Me zo so azonga Yingo-Vuru, fade Nzapa ayeke zi tënë ni na li ti lo laoko pepe; siokpari ni ayeke ngba na li ti lo kpu na kpu.”

Nzoni Tënë so Luc asu na mbeti 12:10

Zo so kue atene sioni tënë na tere ti Molenge ti Zo, fade Nzapa ayeke zi tënë na li ti lo; me zo so azonga Yingo-Vuru, fade Nzapa ayeke zi tënë na li ti lo pepe.

Nzoni Tënë so Luc asu na mbeti 16:8

Kota zo ni agonda ndombe ti nzi so, ngbanga ti so lo sara ye ti lo na kode. Taa-tënë, azo ti dunia so ayeke sara ye na kode na amba ti ala, ahon azo ti Nzapa so ayeke na ya ti lumiere.”

Nzoni Tënë so Luc asu na mbeti 18:30

fade lo yeke wara aye mingi na ngoi so si na ya ti ngoi so ayeke ga, lo yeke wara fini so angba lakue lakue.”

Nzoni Tënë so Luc asu na mbeti 23:34

Jésus atene: “Babâ, zi tënë na li ti ala, ngbanga ti so ala hinga ye so ala yeke sara pepe.” Ala bi *dee titene ala kangbi ya ti bongo ti lo na popo ti ala.

Nzoni Tënë so Luc asu na mbeti 7:34

*Molenge ti Zo aga, lo yeke te, lo yeke nyon, me ala tene: ‘Ala baa, koli so ayeke gbongo ti kobe si lo yeke nyon samba mingi! Lo ye tënë ti azo ti rongo nginza ti lapo na azo ti siokpari!’

Jean 7:12

Gba ti azo so abongbi kâ ayeke tene tënë ti lo mingi. Ambeni zo ni atene: “Lo yeke nzoni zo”, ambeni atene ti ala: “Mvene, lo yeke handa gba ti azo gi senge senge.”

Jean 7:39

Jésus ayeke tene tënë ti Yingo-Vuru so fade azo so ama na be na lo ayeke wara. Na ndembe ni so Yingo-Vuru ade ti ga pepe, ngbanga ti so Jésus ade ti wara gonda ti lo pepe.

Jean 7:52

Ala kiri tënë na lo: “Mo nga, mo yeke zo ti Galile? Mo gi nda ti Mbeti ti Nzapa, fade mo yeke hinga so, mbeni wayanga-Nzapa alondo laoko na Galile aga pepe.” [

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

Efeze 1:21

Kâ, Christ ayeke na ndö ti ayingo so ayeke na komandema, ala so ayeke na ngangu nga na ala so ayeke amakonzi. Lo yeke na ndö ti aye so kue e yeke ma iri ni na dunia ti laso nga na dunia so ayeke ga.

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.

1 Timothée 1:15

Tënë so ayeke taa-tënë, ayeke nzoni azo kue ayeda na ni na be ti ala kue: Jésus Christ aga na dunia so ti soo azo ti siokpari na kuâ. Na popo ti azo ti siokpari ni, mbi laa mbi yeke kozo zo ni,

1 Timothée 4:8

Tarango tere na lege ti angia ti wanguru ayeke sara nzoni na zo gi kete; me gbungo tënë ti Nzapa ngangu ayeke sara nzoni na zo na ya ti aye kue. Biani, ndali ti zo so, zendo ti duti na fini laso nga na ngoi so ayeke ga gbanda ayeke daa.

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

2 Timothée 4:10

Demas azia mbi, ahon awe, ngbanga ti so nzara ti aye ti gigi so agbu lo; lo gue na Tesalonike. Kresan ague na Galasii, Tite ague na Dalmasii.

Tite 2:12

Nzoni be ti lo afa na e titene e zia lege ti kengo Nzapa, e zia nzara ti aye ti gigi so. Tongaso, na lege ti dutingo ti e, e sara ye ahon ndoni pepe, me na legeni, e sara ye ti mbirimbiri, e ngba ti gbu tënë ti Nzapa ngangu

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.