Matthieu 12:31 - Mbeti ti Nzapa - Tënë so amu fini

³¹ Ndani laa mbi tene na ala: fade Nzapa ayeke zi tënë na li ti azo so asara siokpari, na ala so azonga Nzapa; me zo so azonga Yingo-Vuru, fade Nzapa ayeke zi tënë na li ti lo oko pepe.

Matthieu 12:31 Iomraidhean Croise

Ésaïe 1:18

*KOTA GBIA atene: “Ala ga, e leke tënë. Tongana siokpari ti ala abe tongana mene, fade ayeke kiri ti vuru tongana tukia. Tongana siokpari ti ala abe tongana ngu ti karakanzi, fade ayeke kiri ti vuru tarara.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Ezekiel 33:11

Tene na ala, mo tene: Fini ti mbi! So tënë ti yanga ti Kota Gbia NZAPA laa. Mbi yeke wara ngia ndali ti kuâ ti zo ti sioni? Ye so anzere na be ti mbi ayeke titene zo ti sioni azia sioni lege ti sarango ye ti lo si lo duti na fini. Ala azo ti Israel, ala zia sioni lege ti sarango ye ti ala, ala zia ni! Ala ye ti kui ngbanga ti nyen?

Awayango-sandaga 24:16

Zo so azonga iri ti KOTA GBIA, fade a yeke fâ lo; bongbi ti azo ni kue ayeke bo lo na têne si ayeke fâ lo. Ataa zo ni ayeke wande, wala molenge ti kodro, fade a yeke fâ lo, ngbanga ti so lo zonga iri ti Nzapa.

Nzoni Tënë so Luc asu na mbeti 12:10

Zo so kue atene sioni tënë na tere ti Molenge ti Zo, fade Nzapa ayeke zi tënë na li ti lo; me zo so azonga Yingo-Vuru, fade Nzapa ayeke zi tënë na li ti lo pepe.

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Ahebro 10:26

So e hinga taa-tënë nzoni kue awe so, tongana e ngba ti sara siokpari na be ti e wani, mbeni *sandaga nde ndali ti asiokpari ayeke daa pepe.

Ahebro 10:29

Ti zo so abaa Molenge ti Nzapa buba na le ti lo, fade pasi ti zo ni ayeke hon ndoni. Andaa lo baa mene ti *mbuki so asukula asioni ti lo tongana senge ye na le ti lo si lo kiri lo tene sioni tënë na tere ti Yingo so ayeke sara nzoni be na zo.

Ahebro 6:4

E mu tapande ti azo so akiri na sioni lege ti sarango ye ti ala: lumiere ti Nzapa azi le ti ala awe, ala ndu nzoni ye ti yayu, ala wara Yingo-Vuru,

1 Jean 1:9

Tongana e fa siokpari ti e na Nzapa, lo so lo yeke bata tënë ti yanga ti lo si lo yeke nga mbirimbiri, fade lo yeke zi siokpari ti e si lo yeke sukula sioni ti e kue.

1 Jean 5:16

Tongana mbeni zo abaa ita ti lo na sarango siokpari, mbeni siokpari so ague na lo na kuâ pepe, alingbi lo sambela si fade Nzapa amu fini na ita ti lo so. Tënë so ayeke ndali ti azo so ayeke sara siokpari so ague na zo na kuâ pepe. Mbeni siokpari ayeke daa so ayeke gue na zo na kuâ, mara ti siokpari so laa mbi hunda na ala ti sambela ndali ni pepe.