Matthieu 12:30 - Mbeti ti Nzapa - Tënë so amu fini

³⁰ Zo so ayeke na mbage ti mbi pepe, andaa lo ke mbi; zo so ayeke bongbi aye legeoko na mbi pepe, andaa lo yeke kangbi ya ti aye ni kirikiri.

Matthieu 12:30 Iomraidhean Croise

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Abia (Psaumes) 94:16

Zo wa laa ayeke gbu ande koko ti mbi ti kanga lege na azo ti sioni so, zo wa? Zo wa laa ayeke mu mbage ti mbi ti kanga lege na azo ti sarango sioni so, zo wa?

Amato 11:24

Ambeni zo ayeke mu ye mingi na amba ti ala si ala ga azo ti mosoro ahon ndoni. Me ambeni zo agbanzi ye gi ndali ti ala wani si ala ga awayere.

Matthieu 12:29

“Zo alingbi ti li na ya ti da ti zo ti ngangu ti gbu akungba ti lo ti hon na ni gi tongana lo kanga zo ti ngangu ni kozoni si. Tongana lo kanga zo ti ngangu so awe, lo lingbi ti nzi akungba ti da ni kue ti hon na ni.

Matthieu 6:24

“Zo oko alingbi ti sara kua na amakonzi use pepe, ngbanga ti so fade lo yeke ke mbeni oko si lo yeke ye mbeni; lo yeke ma yanga ti mbeni oko si lo yeke baa mbeni na le ti lo tongana senge zo. Ala lingbi ti sara kua na Nzapa nga na nginza legeoko pepe.”

Marc 9:40

Zo so ake tënë ti e pepe, ayeke zo ti e.

Nzoni Tënë so Luc asu na mbeti 11:23

“Zo so ayeke na mbage ti mbi pepe, andaa lo yeke wato ti mbi; zo so ayeke bongbi ye legeoko na mbi pepe, andaa lo yeke kangbi ya ti aye ni kirikiri.”

Nzoni Tënë so Luc asu na mbeti 9:50

Jésus atene na ala: “Ala kanga lege na lo pepe, ngbanga ti so zo so ake ala pepe, andaa lo yeke zo ti ala.”

Jean 11:52

Lo yeke kui gi ngbanga ti mara so oko pepe, me lo yeke kui nga ti bongbi amolenge ti Nzapa so ayeke na ando nde nde si ala ga tere oko.

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”

Josué 5:13

Mbeni lâ, Josué ayeke nduru na gbata ti Jéricho. Lo ye ti baa ndo tongaso, lo baa mbeni koli ayeke luti na dawa ti lo. Koli ni agbu mbeni yongoro zeme so lo zi ni na ya ti bozo ni awe. Josué ague na tere ti lo si ahunda lo: “Mo yeke na mbage ti e wala mo yeke na mbage ti awato ti e?”

1 Jean 2:19

Azo ni so ayeke azo ti e pepe, nilaa ala londo na popo ti e si ahon. Tongana azo ni ayeke fade azo ti e, ka ala ngba na popo ti e. Me ala zia e ahon ti fa polele na le ti azo atene, mbeni zo oko na popo ti ala ayeke zo ti e pepe.