Matthieu 12:29 - Mbeti ti Nzapa - Tënë so amu fini

²⁹ “Zo alingbi ti li na ya ti da ti zo ti ngangu ti gbu akungba ti lo ti hon na ni gi tongana lo kanga zo ti ngangu ni kozoni si. Tongana lo kanga zo ti ngangu so awe, lo lingbi ti nzi akungba ti da ni kue ti hon na ni.

Matthieu 12:29 Iomraidhean Croise

Ésaïe 49:24

Ye so ngangu zo ti bira agbu na bira, zo alingbi ti zi ni na maboko ti lo? Ngbaa so zo ti sarango ngangu na azo agbu lo zo alingbi ti gboto ngbaa ni na maboko ti lo?

Ésaïe 53:12

Ndani laa mbi mu na lo ndo na popo ti akota zo; ye so a gbu na peko ti bira, lo na azo ti ngangu laa ayeke kangbi ni. Biani, lo wani, lo ka tere ti lo na kuâ, a diko lo na popo ti azo ti sioni, ngbanga ti so lo yo siokpari ti gba ti azo, lo gbu koko ti azo ti sioni.

Matthieu 12:28

Me tongana mbi yeke tumba asioni yingo na ngangu ti Yingo ti Nzapa, andaa *Kodro-gbia ti Nzapa asi na ala awe.

Matthieu 12:30

Zo so ayeke na mbage ti mbi pepe, andaa lo ke mbi; zo so ayeke bongbi aye legeoko na mbi pepe, andaa lo yeke kangbi ya ti aye ni kirikiri.

Marc 3:27

“Titene mbeni zo ali na ya ti da ti mbeni ngangu koli ti nzi ye, ayeke nzoni lo kanga koli ni si fade lo lingbi ti nzi aye ti da ni.

1 Jean 3:8

Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.

1 Jean 4:4

Ti ala amolenge ti mbi, ala yeke azo ti Nzapa. Ala hon ndö ti awayanga-nzapa ti mvene so awe, ngbanga ti so Yingo so ayeke na ya ti ala ayeke ngangu ahon lo so ayeke na dunia so.