Matthieu 12:23 - Mbeti ti Nzapa - Tënë so amu fini

²³ Li ti azo ni kue akpe si ala tene: “So Molenge ti David laa pepe?”

Matthieu 12:23 Iomraidhean Croise

Matthieu 15:22

Mbeni wali ti kodro ti Kanaan aga si lo dekongo, lo tene: “*Kota Gbia, Molenge ti David, baa mawa ti mbi! Molenge ti mbi ti wali ayeke na sioni yingo na ya ti lo si asara lo pasi mingi.”

Matthieu 21:9

Azo so ayeke tambula na dawa ti Jésus na ala so ayeke tambula na peko ti lo ayeke dekongo, atene: “E gonda Molenge ti David! Ayeke nzoni Nzapa asara tufa na ndö ti lo so aga na iri ti Kota Gbia! E gonda Nzapa so ayeke na yayu kâ na ndö ti aye kue!”

Matthieu 7:28

So Jésus atene tënë so awe, li ti azo so abongbi kâ akpe ndali ti fango ye ti lo.

Matthieu 9:27

So Jésus alondo na ndo so ti hon, awaziba use amu peko ti lo; ala yeke dekongo, atene: “Molenge ti David, baa mawa ti e!”

Matthieu 9:33

So Jésus atumba sioni yingo ni awe, buburu ni ato nda ti tene tënë. Be ti gba ti azo ni ado si ala tene: “Ade e baa mara ti ye tongaso na kodro ti Israel laoko pepe!”

Jean 4:29

“Ala ga abaa mbeni koli so atene na mbi tënë ti aye so kue mbi sara. Wala Mesii ni laa?”