Matthieu 12:15 - Mbeti ti Nzapa - Tënë so amu fini

¹⁵ So Jésus ama tënë ti ye so ala ye ti sara na lo, lo londo na ndo so si lo hon. Gba ti azo amu peko ti lo, lo kai kobela ti ala kue.

Matthieu 12:15 Iomraidhean Croise

Matthieu 10:23

Tongana azo asara ngangu na ala na ya ti mbeni gbata, ayeke nzoni ala kpe ague na ya ti mbeni gbata nde. Mbi tene na ala taa-tënë: kozo titene *Molenge ti Zo akiri, fade ala yeke hunzi kua ti ala na ya ti agbata ti Israel kue pepe.

Matthieu 19:2

Gba ti azo amu peko ti lo si lo kai kobela na tere ti ala.

Marc 6:56

Na ndo so kue Jésus ayeke hon daa, wala na ya ti agbata, wala na ya ti akete kodro, wala na ya ti akete kodro so ayeke na yanga ti yaka kue, azo ayeke mu azo ti kobela, azia ala na ndö ti abalabala; ala hunda na lo titene lo zia ala ti ndu gi yanga ti kota bongo ti lo. Azo so kue andu lo, tere ti ala aga nzoni.

Nzoni Tënë so Luc asu na mbeti 5:22

Me Jésus ahinga tënë ti be ti ala kue si lo tene na ala: “Ngbanga ti nyen laa ala yeke tene mara ti tënë tongaso na be ti ala?

Nzoni Tënë so Luc asu na mbeti 6:12

Mbeni lâ, Jésus ague na li ti mbeni hoto ti sambela; lo sambela Nzapa na bi ni so kue.

Nzoni Tënë so Luc asu na mbeti 9:11

Gba ti azo ama tënë ni si ala mu peko ti lo. Jésus ayamba ala, lo fa tënë ti kodro-gbia ti Nzapa na ala si lo kai kobela ti ala so tere ti ala ayeke so.

Jean 11:54

Tongaso Jésus ake ti hon na le ti azuife polele. Lo gboto tere ti lo si lo gue na mbage ti benyama, na mbeni gbata so iri ni Efraim, lo na adisiple ti lo aduti kâ.

Jean 7:1

Na pekoni, Jésus atambula na ya ti sese ti Galile; lo ye ti tambula na ya ti sese ti Judée pepe, ngbanga ti so azuife ayeke gi lege ti fâ lo.

Jean 9:4

Na ndembe so lâ angba ti su, ayeke nzoni e sara kua ti lo so lo tokua mbi. Ndo aga nduru ti vuko awe, fade zo alingbi ti sara kua mbeni pepe.

Galasii 6:9

Be ti e awoko pepe na sarango nzoni ye, ndali ti so tongana ndembe ni alingbi si e ngba na lege ni, fade e yeke ko lengo ni.

1 Pierre 2:21

Ye so Nzapa airi ala ndali ni laa, ngbanga ti so Christ nga abaa ando pasi ndali ti ala; lo sara tongaso ti fa lege na ala si ala mu tapande ti lo.