Matthieu 12:14 - Mbeti ti Nzapa - Tënë so amu fini

¹⁴ So *afarizien asigigi na ya ti da ti sambelango Nzapa, ala bongbi ti gbu li ti ala ti gi lege ti fâ Jésus.

Matthieu 12:14 Iomraidhean Croise

Matthieu 26:4

Ala leke tënë ti gbu Jésus na lege ti mbeni mayere titene ala fâ lo.

Matthieu 27:1

Na ndaperere, akota wayango-sandaga kue na *akangba ti azuife abongbi ti fâ ngbanga ti kuâ na li ti Jésus.

Marc 14:1

*Matanga ti Pake na ti Mapa so a sara na mama ni pepe angba lango use. Akota wayango-sandaga na awafango-ndia ayeke gi lege ti gbu Jésus na lege ti mbeni mayere titene ala fâ lo.

Marc 3:6

So *afarizien asigigi na ya ti da ti sambelango Nzapa ni, ala gue hio awara azo ti kama poroso ti Herode; ala bongbi ti gi lege ti fâ Jésus.

Nzoni Tënë so Luc asu na mbeti 22:2

Akota wayango-sandaga na awafango-ndia ayeke gi lege ti fâ Jésus; me ala sara mbeto ti azo ti kodro.

Nzoni Tënë so Luc asu na mbeti 6:11

Ngonzo agbu awafango-ndia na afarizien si ala yeke tene tënë na popo ti ala na ndö ti ye so ala lingbi ti sara na Jésus.

Jean 10:31

Tongaso azuife akiri amu têne ti bo na Jésus.

Jean 10:39

Ala kiri agi lege ti gbu Jésus, me lo kpe na maboko ti ala, lo hon.

Jean 11:53

Ti londo na lango ni so, amakonzi ti azuife aleke tënë ti fâ Jésus.

Jean 11:57

Akota wayango-sandaga na afarizien amu yanga, atene: “Tongana mbeni zo ahinga ndo so Jésus ayeke daa, lo tene tënë ni si a lingbi ti gbu lo.”

Jean 5:18

Na ndö ti tënë so, amakonzi ti azuife ayeke gi lege ngangu ti fâ Jésus, ngbanga ti so lo ke ti kpe ndia ti lango ti wungo tere si na ndö ni, lo kiri lo tene, Nzapa ayeke taa Babâ ti ni; so aye ti fa atene, lo yeke legeoko na Nzapa.

Jean 7:30

Tongaso, ala gi lege ti gbu Jésus, me zo oko agbu lo pepe, ngbanga ti so ngbonga ti lo ade ti lingbi pepe.

Jean 7:32

*Afarizien ama atënë so gba ti azo ayeke tene na gbe ti go ti ala na tere ti Jésus. Tongaso akota wayango-sandaga na afarizien atokua aturugu ti gue ti gbu lo.

Jean 7:44

Ambeni na popo ti ala aye ti gbu Jésus, me zo oko andu lo pepe.

Jean 8:59

Ala mu têne ti bo na Jésus, me lo honde tere ti lo si lo sigigi na ya ti kota da ti Nzapa ni, lo hon.