Matthieu 12:10 - Mbeti ti Nzapa - Tënë so amu fini

¹⁰ Mbeni koli so maboko ti lo abuba ayeke kâ. Azo aye ti bi tënë na li ti Jésus; tongaso ala hunda lo, atene: “*Ndia amu lege na zo ti kai kobela na tere ti azo na *lango ti wungo tere?”

Matthieu 12:10 Iomraidhean Croise

Ésaïe 32:6

Biani, zo ti buba ayeke tene abuba tënë, lo yeke zia be ti lo gi ti sara sioni, lo yeke sara aye so ayeke sioni mingi si lo yeke tene asioni tënë na tere ti *KOTA GBIA. Zo so nzara asara lo, lo yeke mu na lo kobe pepe, zo so nzara ti ngu asara lo, lo yeke mu na lo ngu ti nyongo ni pepe.

Ésaïe 59:13

e ke ndia ti mo, e bere tënë ti mo, e ke ti mu peko ti mo, Nzapa ti e, e tene gi atënë ti sarango ngangu na zo nga na sarango ngangu li. Ye so e leke na be ti e na ye so e gbu li ti e daa ayeke gi atënë ti mvene.

Ésaïe 59:4

Tënë so ala gue na ni na le ti ngbanga, ayeke na legeni pepe; ala yeke gbu koko ti azo na lege ti taa-tënë pepe. Ala yeke luti na ndö ti ye so ayeke ye oko pepe, ala yeke tene atënë ti mvene; ala yeke mu ngo ti ye ti sioni si ala yeke du ye ti kirikiri.

Zakarii 11:17

Mawa na wabatango-taba so lo hinga ndo pepe, lo so lo do ataba ti lo, lo zia ala so! Ayeke nzoni a de maboko ti lo si a koro le ti lo ti mbage ti koli na ya ti bira! Ayeke nzoni maboko ti lo ahole biani biani, le ti lo ti mbage ti koli amingo biani biani!

Matthieu 12:2

So *afarizien abaa tongaso, ala tene na Jésus: “Baa ye! Adisiple ti mo ayeke sara ye so *Ndia ake titene zo asara na lango ti wungo tere!”

Matthieu 19:3

Ambeni *farizien aga nduru na tere ti lo ti sara si lo ti na ya ti gbanda ti ala. Ala hunda lo, atene: “*Ndia ti e amu lege na koli ti tumba wali ti lo ndali ti atënë nde nde kue?”

Marc 3:2

Le ti azo ni ayeke gi na tere ti Jésus; ala yeke ku ti baa wala lo yeke kai kobela ti koli so na *lango ti wungo tere titene ala wara mbeni tënë ti bi na li ti lo.

Nzoni Tënë so Luc asu na mbeti 11:54

ala ye ti sara si lo ti na ya ti gbanda ti ala gi na lege ti mbeni tënë ti yanga ti lo.

Nzoni Tënë so Luc asu na mbeti 13:14

Makonzi ti da ti sambelango Nzapa ni asara ngonzo, ngbanga ti so Jésus akai kobela na lango ti wungo tere. Tongaso lo tene na gba ti azo so, lo tene: “Alango ti sarango na kua ayeke omene. Tongaso ala ga na ya ti alango ni so si a kai akobela ti ala, me na lango ti wungo tere pepe!”

Nzoni Tënë so Luc asu na mbeti 20:22

Tene na e: *Ndia amu lege na e ti futa lapo na kota gbia ti Rome, wala e futa ni pepe?”

Nzoni Tënë so Luc asu na mbeti 23:14

si lo tene na ala: “Ala ga na mbi koli so, ngbanga ti so ala tene, lo yeke pusu azo ti kodro ti sara wusuwusu. Ala baa, mbi hunda lo na le ti ala kue na ndö ti asioni tënë so ala bi na li ti lo, me mbi baa ti mbi sioni ye oko so alingbi ti fâ ngbanga na li ti lo ndali ni pepe.

Nzoni Tënë so Luc asu na mbeti 23:2

Ala to nda ti bi tënë na li ti lo, atene: “E wara koli so, lo yeke pusu azo ti mara ti e ti sara wusuwusu, lo yeke kanga lege na ala titene ala futa lapo na kota gbia ti Rome; lo tene nga, ni wani, ni yeke *Mesii, ni yeke gbia.”

Jean 5:10

Tongaso azuife atene na koli so tere ti lo aga nzoni so, atene: “Laso ayeke lango ti wungo tere; *Ndia ake na mo ti yo konza ti mo ti tambula na ni.”

Jean 5:3

Gba ti azo ti kobela alango na gbe ti averanda ni: awaziba, azo so gere ti ala abuba na azo so mbeni mbage ti tere ti ala abuba. [Ala yeke ku ndembe so ngu ni ayeke yingi,

Jean 7:23

Ala yeke fâ amolenge-koli na ganza na lango ti wungo tere ti bata *Ndia ti Moïse. Ngbanga ti nyen laa ala yeke sara ngonzo na tere ti mbi ndali ti so mbi kai kobela ti mbeni zo na lango ti wungo tere?

Jean 8:6

Ala hunda tënë so ti sara si Jésus ati na ya ti gbanda ti ala si ala lingbi ti wara mbeni tënë ti bi na li ti lo. Me Jésus aba tere ti lo na sese si lo yeke su mbeti na sese na li ti maboko ti lo.

Jean 9:16

Ambeni farizien ni atene: “Zo so asara ye so alondo na Nzapa pepe, ngbanga ti so lo bata ndia ti lango ti wungo tere pepe.” Ambeni atene ti ala: “Zo ti siokpari alingbi ti sara mara ti aye ti kpene tongaso pepe!” Kangbi ati na popo ti ala.