Matthieu 11:8 - Mbeti ti Nzapa - Tënë so amu fini

⁸ Nyen laa ala gue ti bango ni kâ? Mbeni zo so ayu pendere bongo? Azo so ayu apendere bongo ayeke duti na ya ti ada ti agbia!

Matthieu 11:8 Iomraidhean Croise

2 Agbia 1:8

Ala kiri tënë na lo: “Koli ni ayu mbeni bongo so a sara na kua ti tere ti nyama, lo kanga kamba ti poro ti nyama na ngbonda ti lo.” Tongaso Ahazia atene: “Élie, zo ti gbata ti Tishebe laa!”

Ésaïe 20:2

Ngu ota kozoni, *KOTA GBIA atene tënë na azo na lege ti Ésaïe, molenge ti Amoz, lo tene: “Gue mo zi bongo ti mua so mo kanga na ngbonda ti mo, mo zi nga poro na gere ti mo.” Ésaïe asara ye ni si lo tambula tere ti lo senge, gere ti lo senge.

Zakarii 13:4

Na lango ni so, fade wayanga-nzapa oko oko ayeke sara kamene ti tene peko ti tënë ti yanga ti Nzapa; kamene ti tene peko ti ye so lo baa na ya ti mbeni ye tongana bango-li ayeke sara lo. Fade lo yeke kiri ti handa azo pepe na yungo yongoro bongo ti awayanga-nzapa so a sara na kua ti tere ti nyama.

Matthieu 11:7

So adisiple ti Jean amu lege ti kiri, Jésus atene tënë ti Jean na gba ti azo so ayeke na tere ti lo so, atene: “Nyen laa ala gue ti bango ni kâ na ya ti benyama so? Mbeni sosongo so pupu ayeke yingi ni?

Matthieu 11:9

Nyen laa ala gue ti bango ni kâ? Mbeni wayanga-Nzapa? Mbi tene na ala taa-tënë: zo so ala gue ti baa lo so ayeke kota ahon wayanga-Nzapa!

Matthieu 3:4

Jean ayu bongo so a sara ni na kua ti tere ti *zambala, lo kanga kamba ti poro ti nyama na ya ti lo, kobe ti lo ti tengo ni ayeke angadi na mafuta ti awotoro ti ngonda.

Nzoni Tënë so Luc asu na mbeti 7:25

Nyen laa ala gue ti baa ni kâ? Ala gue ti baa mbeni zo so ayu pendere bongo? Azo so ayu apendere bongo si ala yeke te ti ala nzoni so, ala yeke duti ti ala na ya ti ada ti agbia!

1 Korente 4:11

Nzara ti kobe ayeke sara e, nzara ti ngu ayeke sara e, e yeke na bongo pepe, azo ayeke sara sioni na e, e yeke tambula gi na nduzu na nduzu, ngbii asi fadeso.

2 Korente 11:27

Mbi sara angangu kua mingi, aye ti ngangu asi na mbi mingi, lege mingi lango akpe na le ti mbi; nzara ti kobe na ti ngu asara mbi; lege mingi mbi lango nzara; lege mingi de asara mbi, bongo atia mbi.

Ndia ti fani use ni 28:54

Koli so na popo ti ala, lo woko mingi si lo yeke sara ngangu kua pepe, fade lo yeke baa ita ti lo na sioni le, legeoko na wali so ayeke lango na kate ti lo nga na tanga ti amolenge ti lo so ayeke ngba na lo.

Aye so Nzapa afa 11:3

Azo ti mbi use so ayeke tene taa-tënë na ndö ti mbi, ala so ayeke yu bongo ti mua so, fade mbi yeke mu lege na ala ti tene peko ti tënë ti yanga ti mbi na azo na ya ti lango saki oko ngbangbo use na baleomene.”