Matthieu 11:6 - Mbeti ti Nzapa - Tënë so amu fini

⁶ Ti lo nzoni, zo so azia lege ti mabe ti lo pepe ndali ti mbi!”

Matthieu 11:6 Iomraidhean Croise

Abia (Psaumes) 119:1

Ti ala nzoni, azo so tambula ti ala alingbi kue si sarango ye ti ala alingbi na *Ndia ti *KOTA GBIA!

Matthieu 13:21

Me tënë ni ali na ya ti be ti ala pepe, ala bata tënë ni na be ti ala aninga pepe. Tongana pasi wala ye ti ngangu asi na ala ngbanga ti tënë ti Nzapa, fafade ala do lege ti tënë ti Nzapa azia.

Matthieu 18:7

So ayeke ye ti mawa mingi na azo ti dunia! Aye mingi ayeke daa so ayeke sara si azo azia lege ti mabe ti ala. Biani, aye ni so ayeke duti ande daa lakue, me mawa na zo so asara si aye ni asi!

Matthieu 24:10

Na ngoi ni so, azo mingi ayeke zia lege ti mabe ti ala; ala yeke ka amba ti ala na popo ti ala si ala yeke ke tere na popo ti ala.

Matthieu 26:31

Tongaso, Jésus atene na adisiple ti lo: “Gi na bi so, fade ala kue ayeke zia mbi ti hon, ngbanga ti so Mbeti ti Nzapa atene: ‘Fade mbi yeke fâ wabatango-taba si ataba ni ayeke kangbi kirikiri.’

Matthieu 5:29

Tongana le ti mo ti mbage ti koli ayeke handa mo titene mo ti na ya ti siokpari, mo zi ni, mo bi yongoro na tere ti mo. Titene mo girisa mbeni mbage ti tere ti mo oko, so laa ayeke nzoni ahon titene a bi tere ti mo kue na ndo so wâ ayeke gbi daa lakue.

Marc 6:3

Sarapande so laa pepe? So molenge ti Marie laa pepe? Ita ti Jacques, na Yozes, na Jude na Simon so laa pepe? A-ita ti lo ti wali ayeke na popo ti e ge pepe?” Ye so asara si azo ni ake ti ma na be na lo.

Nzoni Tënë so Luc asu na mbeti 2:34

Siméon asara tufa na ndö ti ala si lo tene na Marie, mama ti molenge ni, lo tene: “Baa, ndali ti Molenge so, fade azo ti Israel mingi ayeke ti si ambeni mingi ayeke londo. Molenge so ayeke ga mbeni ye ti kite;

Nzoni Tënë so Luc asu na mbeti 7:23

Ti lo nzoni, lo so lo ma na be na mbi awe si lo kiri lo zia lege ni pepe!”

Jean 16:1

“Mbi tene tënë so na ala titene mabe ti ala ati pepe.

Jean 6:66

Gi na peko ti tënë so, mingi ti adisiple ti Jésus agboto tere ti ala si ala kiri ague na peko ti lo pepe.

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

Galasii 5:11

Ti mbi, a-ita, mbi ngba ti fa tënë na azo, mbi tene: “Alingbi ala fâ ganza?” Tongana mbi ngba fade ti sara ni, ngbanga ti nyen si azo ayeke sara ngangu na mbi? Tongana tënë ti ganza laa ayeke kota ye, tënë ti kuâ ti Christ na ndö ti keke ti kroa ayeke kiri ti so be ti zo tongana nyen?

1 Pierre 2:8

Mbeti ti Nzapa akiri atene: “Ayeke têne so azo ayeke pika gere ti ala daa, kota têne so ayeke sara titene azo ati.” Ala yeke pika gere ti ala na têne ni, ngbanga ti so ala ke ti yeda na tënë ti Nzapa. Ye so Nzapa aleke ala ando ndali ni laa.