Matthieu 11:28 - Mbeti ti Nzapa - Tënë so amu fini

²⁸ “Ala ga na mbi, ala so kue awoko na yongo anengo kungba, fade mbi yeke mu na ala lege ti wu tere ti ala.

Matthieu 11:28 Iomraidhean Croise

Mbeti ti Job 14:1

Zo so wali adu lo, lango ti lo ayeke nduru; gingo be ti lo ahon ndoni.

Mbeti ti Job 5:7

Me a du zo titene lo baa pasi tongana ti so kua ti akete kete le ti wâ ayeke ti hurungo na nduzu nzerrr.

Abia (Psaumes) 116:7

Ayeke nzoni be ti mbi akiri aduti na siriri, ngbanga ti so KOTA GBIA asara anzoni ye mingi na mbi awe.

Abia (Psaumes) 32:4

Bi na lâ, mo yeke pika lani mbi mingi; mbi hole holengo tongana pere so ahole ndali ti lâ ti buru. Luti kete

Abia (Psaumes) 38:4

Ndali ti ngonzo ti mo, ya ti tere ti mbi kue gi na songo ni; ndali ti asiokpari ti mbi, abio ti mbi kue awoko.

Abia (Psaumes) 94:13

Na lango ti ye ti vundu, lo lingbi ti duti na siriri, ngbii asi na lango so a yeke zi du ndali ti azo ti sioni.

Zo ti bongbingo azo 1:14

Mbi baa aye so kue a yeke sara na ndö ti sese so. Me ye kue ayeke gi senge senge si ayeke tumbango peko ti pupu senge.

Zo ti bongbingo azo 1:8

Aye kue afun sen, zo alingbi ti zi yanga daa mbeni pepe. Le ti zo abaa aye mingi, me ade alingbi na lo pepe. Mê ti zo ama atënë mingi, me ade alingbi na lo pepe.

Zo ti bongbingo azo 4:8

mbeni zo ayeke daa so lo yeke gi lo oko, mbeni zo ayeke na tere ti lo pepe; lo yeke na molenge pepe, wala na ita pepe. Lo yeke sara kua, lo wu tere pepe; me nzara ti warango mosoro mingi angba na be ti lo. Lo hunda tere ti lo, lo tene: “Akua so kue mbi sara, mbi yeke sara ni ndali ti zo wa?” Mbi gbanzi tere ti mbi ti sara ngia, mbi yeke sara ni ndali ti zo wa? Ye so nga ayeke gi senge senge; so ayeke sioni ye.

Ésaïe 1:4

Ae! Ala azo ti mara ti sarango siokpari, ala azo ti fango zo, ala *ahale ti sioni, ala amolenge ti kirikiri! Ala zia *KOTA GBIA awe; ala ke Nzapa ti Israel, lo so lo yeke nde si lo yeke nzoni kue; ala zia peko ti ala na lo.

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Ésaïe 28:12

Lo tene ando na ala, lo tene: “Baa, ndo ti wungo tere ti ala laa! Zo so awoko, ala zia lo, lo wu tere ti lo. Ndo ti dutingo kpoo laa.” Me ala ye ti ma pepe.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Ésaïe 66:2

Aye so kue, maboko ti mbi laa asara ni si abaa gigi, so tënë ti yanga ti mbi KOTA GBIA laa. Me zo ti mawa so be ti lo awoko, lo so lo ma tënë ti mbi si tere ti lo ayeke do, zo tongaso laa mbi yeke baa lo na nzoni le.

Jérémie 31:25

Biani, azo so awoko na nzara ti ngu, fade mbi yeke mu na ala ngu ti nyon; azo so ngangu atia ala, mbi yeke mu na ala kota ngangu.

Jérémie 35:16

Ti azo ti Rekab, ala sara ye alingbi na yanga so kotara ti ala Yonadab amu na ala; me ala, azo ti Juda, ala ma mbi pepe!”

Jérémie 6:16

Tënë so KOTA GBIA atene ayeke so: Lege so ala ngba ti gue daa so, ala luti kete si: ala baa ndo, ala hunda ndo na ndö ti lege so azo amu ando so: ‘Nzoni lege ayeke na ndo wa?’ Ayeke nzoni ala mu lege ni so, tongaso si fade ala duti na siriri. Me ala kiri tënë: ‘E ye ti mu lege so pepe!’

Matthieu 11:29

Ala yeda ti yo *zuge ti mbi, ala manda ye so mbi fa na ala, ngbanga ti so mbi yeke zo so mbi yeke sara ngangu na zo pepe si mbi yeke gi kota ndo pepe. Fade ala yeke wara lege ti wu tere ti ala.

Matthieu 23:4

Ala kanga nengo kungba si ala zia ni na li ti azo; me ala wani, ala ye ti ndu kungba ni na maboko ti ala kete pepe.

Jean 6:37

Azo so kue Babâ amu ala na mbi, fade ala yeke ga na mbi; zo so aga na mbi, fade mbi yeke zia lo na gigi oko pepe.

Jean 7:37

Tanga ti lango ti matanga ni ayeke mbeni kota lango mingi. Jésus aluti na nduzu si lo tene tënë na kota go, lo tene: “Tongana nzara ti ngu asara mbeni zo, ayeke nzoni lo ga na mbi, lo nyon ngu.

Awatokua 15:10

Fadeso, ngbanga ti nyen laa ala ye ti gi yanga ti Nzapa na ziango mbeni kungba na li ti adisiple, kungba so akotara ti e na e wani, e yo ni gbaa so?

Awatokua 20:35

Lakue, mbi fa na ala ti sara kua si fade ala lingbi ti mu maboko na azo ti mawa. Ala dabe ti ala na atënë so *Kota Gbia Jésus wani atene: ‘Mungo ye anzere ahon warango ye!’ ”

Galasii 5:1

Christ azi e awe titene e sigigi na gbe ti ngbaa biani. Tongaso, ala luti ngangu! Ala yeda titene a kiri na ala na gbe ti ngbaa pepe!

2 Tesalonike 1:7

Ala so ayeke baa pasi, fade lo yeke mu na ala lege ti wungo tere, e na ala kue. Lo yeke sara ye ni tongaso na ndembe so Kota Gbia Jésus ayeke londo na yayu ti si, lo na angangu *ange ti lo;

Ahebro 4:1

Nzapa amu zendo na e atene, e lingbi ti li na ndo so lo leke titene e wu tere ti e daa; zendo ni angba laso. Tongaso, le ti ala akpengba si lege ti lingo na ndo ti wungo tere ni akanga na mbeni zo oko na popo ti ala pepe.

Aye so Nzapa afa 22:17

Yingo-Vuru na wali so amu koli na fini ni atene: “Ga!” Ayeke nzoni zo so ama tënë so, atene: “Ga!” Zo so nzara ti ngu asara lo, ayeke nzoni lo ga. Zo so ayeda, ayeke nzoni lo mu ngu senge senge lo nyon, ngu so ayeke mu fini na zo.