Matthieu 11:26 - Mbeti ti Nzapa - Tënë so amu fini

²⁶ Biani Babâ, ye ni ayeke tongaso, ngbanga ti so mo yeda.

Matthieu 11:26 Iomraidhean Croise

Mbeti ti Job 33:13

Mo gi tënë na Nzapa ngbanga ti nyen? Aye so kue lo yeke sara, lo lingbi ti fa peko ni na zo?

Ésaïe 46:10

Aye so ayeke si ande, mbi fa tënë ni gi na tongo nda ni. Ye so ade ti si pepe, mbi tene tënë ni ngbene ye aninga awe. Mbi tene: “Pialo ti mbi ayeke si alingbi na ni. Ye so kue mbi ye ti sara, mbi yeke sara ni.”

Nzoni Tënë so Luc asu na mbeti 10:21

Gi na ndembe ni so, be ti Jésus asi na ngia ti Yingo-Vuru si lo tene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde aye so na azo ti ndara nga na azo ti hingango ye si mo sigigi na nda ni na akete molenge. Biani Babâ, ye ni ayeke tongaso, ngbanga ti so mo yeda.

Nzoni Tënë so Luc asu na mbeti 22:42

lo tene: “Babâ, tongana mo ye, ayeke nzoni mo zi kopo ti pasi so na tere ti mbi. Me mbi ye pepe titene mo sara ye so be ti mbi aye, me mo sara gi ye so be ti mo aye.” [

Nzoni Tënë so Luc asu na mbeti 23:34

Jésus atene: “Babâ, zi tënë na li ti ala, ngbanga ti so ala hinga ye so ala yeke sara pepe.” Ala bi *dee titene ala kangbi ya ti bongo ti lo na popo ti ala.

Jean 11:41

Tongaso ala zi têne ni. Jésus ayo le ti lo na nduzu si lo tene: “Babâ, mbi mu singila na mo, ngbanga ti so mo ma mbi awe.

Jean 12:27

“Fadeso be ti mbi ayeke na siriri pepe. Fade mbi yeke tene nyen? Wala mbi tene: ‘Babâ, zi mbi na ya ti ngoi ti pasi so ayeke ga!’ Me ayeke ngbanga ti ngoi ti pasi so laa mbi ga.

Jean 12:28

Babâ, gonda iri ti mo!” Mbeni go alondo na yayu, atene: “Mbi gonda ni awe si mbi yeke kiri ti gonda ni.”

Rome 9:18

Tongaso, Nzapa ayeke baa mawa ti zo so lo ye ti baa mawa ti lo, zo so lo ye ti sara si be ti lo akpengba, lo yeke sara ni.

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Efeze 1:9

Ye so lo leke na be ti lo si angba na hondengo ni, lo sara si e hinga ni: so ti tene, ye so lo leke kozoni na lege ti nzoni be ti lo ti sara ni na lege ti Christ.

Efeze 3:11

Nzapa asara ye ni alingbi gi na ye so lo leke ando na be ti lo si ayeke lakue lakue; lo sara ni awe na lege ti *Kota Gbia ti e Jésus Christ.

2 Timothée 1:9

Nzapa asoo e na kuâ, lo iri e ti ga azo so lo zia e nde ndali ti lo si e yeke nzoni kue. Mbeni ye ti nzoni so e sara titene lo soo e si lo iri e ndali ni ayeke daa pepe, me lo sara ni ndali ti so lo leke na be ti lo wani awe na lege ti nzoni be ti lo. Kozoni titene aye kue abaa gigi, Nzapa aleke na be ti lo ti sara nzoni be na e na lege ti Jésus Christ.