Matthieu 11:23 - Mbeti ti Nzapa - Tënë so amu fini

²³ Ti mo gbata ti Kapernaum, mo baa ti mo, mo tene, fade mo yeke gue ngbii ti kpo le ti nduzu? Fade mo yeke kiri ngbii ti si na ndo ti akuâ! Tongana aye ti kpene so asi na ndo ti mo so asi ando na Sodome, ka gbata ni angba ngbii asi laso!

Matthieu 11:23 Iomraidhean Croise

Tongo nda ti aye 13:13

Azo ti Sodome ayeke azo ti kirikiri mingi, ala sara siokpari mingi so ake KOTA GBIA.

Abia ti demango tere 2:1

Azo-oo, azo! *KOTA GBIA asara ngonzo si lo tokua vukongo ndo na ndö ti gbata ti *Sion. Ye so ayeke sara gonda ti azo ti Israel so, KOTA GBIA abi ni si alondo na yayu kâ ati na sese. Sion ayeke mbata ti gere ti KOTA GBIA; na lango so ngonzo ti lo alondo na tere ti Sion, be ti lo agirisa na mbata ti gere ti lo ni.

Ezekiel 26:20

Fade mbi yeke sara titene mo zu na ndo ti akuâ, na mbage ti azo so akui ando awe so, ti duti na gbe ti sese kâ. Mo yeke ga tongana angbene kodro so ati awe, mo yeke duti na popo ti azo so ayeke na ya ti du ti kuâ. Tongaso si mbeni zo ayeke kiri ti lango na ndo ti mo pepe; mbi yeke sara titene sese ti azo so angba na fini aduti pendere.

Ezekiel 31:14

Tongaso, mbeni keke oko so ayeke na tere ti ngu alingbi ti yo na nduzu ngbii li ti lo asi na ya ti ambinda pepe si lo pika kate ti lo ndali ti yongo ti lo ni pepe. Biani, azo na akeke, ala kue ayeke kui kuingo si ala yeke gue na gbe ti sese legeoko tongana ala so ali na du ti kuâ.

Ezekiel 32:18

“*Molenge ti zo, toto na ndö ti azo ti Ezipte so ayeke gbani gbani so. Ayeke nzoni bia ti mo ni asara si ala na azo ti amara nde azu na gbe ti sese, ala na ambeni so ayeke zu na ndo ti akuâ.

Ezekiel 32:24

“Baa, gbia ti Elam laa, lo na azo ti lo so ayeke gbani gbani; adu ti kuâ ti ala angoro ti ti lo kue. A fâ ala kue na ya ti bira. Azo so afâ ganza pepe si ayeke zia lani kota mbeto na be ti azo so angba na fini na ndö ti dunia so, ala zu yongoro kâ na gbe ti sese awe. Kamene ahon ndö ti ala, ala na azo so azu na ya ti du ti kuâ.

Abdias 1:4

Ataa mo huru na nduzu tongana *ngoalo, ataa mo sara da ti mo kâ na popo ti atongoro, fade mbi yeke mu mo kâ ti bi mo na sese”; so tënë ti yanga ti KOTA GBIA laa.

Matthieu 10:15

Mbi tene na ala taa-tënë: na lango ti fango ngbanga, fade ngbanga so a yeke fâ na li ti azo ti gbata so ayeke ngangu mingi ahon ti azo ti akodro ti Sodome na Gomore.”

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Matthieu 17:24

Jésus na adisiple ti lo asi na Kapernaum; azo ti rongo nginza ti lapo ti kota da ti Nzapa aga nduru na Pierre si ala hunda lo, atene: “Zo so ayeke fa ye na ala so ayeke futa lapo ti kota da ti Nzapa pepe?”

Matthieu 4:13

Lo zia gbata ti Nazaret si lo gue, lo duti na gbata ti Kapernaum, so ayeke na tere ti kota ngu ti Galile, na sese ti Zabulon na ti Neftali.

Matthieu 8:5

So Jésus ali na ya ti gbata ti Kapernaum, mbeni kapita ti aturugu ti Rome aga nduru na tere ti lo si adema tere ti lo,

Nzoni Tënë so Luc asu na mbeti 10:15

Ti mo, gbata ti Kapernaum, mo baa ti mo, mo tene, fade mo yeke gue ngbii ti kpo le ti nduzu? Fade mo yeke kiri ngbii ti si na ndo ti akuâ!”

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Nzoni Tënë so Luc asu na mbeti 16:23

Na ndo ti akuâ, zo ti mosoro ni ayeke baa pasi mingi. Lo yo le ti lo na nduzu si lo baa Abraham yongoro kâ; Lazare ayeke na tere ti lo.

Nzoni Tënë so Luc asu na mbeti 4:23

Lo tene na ala, lo tene: “Fade ala yeke tene na mbi *mato so: ‘Wanganga, mo kai kobela ti mo wani!’ Ala yeke tene nga na mbi, atene: ‘E ma tënë ti aye so mo sara na Kapernaum; mo sara ni nga na kodro ti mo ge ma!’ ”

Awatokua 2:27

Fade mo yeke zia mbi na ndo ti akuâ pepe; mbi so mbi zia be ti mbi kue ti sara na mo, fade mo yeke zia mbi ti fun na ya ti du ti kuâ pepe.

Awatokua 2:31

David ahinga kozoni so fade *Mesii ayeke zingo na kuâ, nilaa lo tene: ‘Nzapa azia lo na ndo ti akuâ pepe, tere ti lo afun na ya ti du ti kuâ pepe.’

Jude 1:7

Ala dabe ti ala na azo ti agbata ti Sodome na Gomore nga na ambeni kodro so ayeke na tere ni: azo ni asara asioni ye tongana ti a-ange so, ala mu be ti ala kue ti sara gi aye ti ndumba, ala sara asioni ye so akpa titene zo asara pepe. Fadeso ala yeke baa pasi na ya ti wâ so ayeke gbi lakue lakue; ala ga tapande ndali ti azo kue.

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.

Aye so Nzapa afa 11:8

Fade kuâ ti ala ayeke ngba na ndö ti kota balabala ti ya ti kota gbata ni, gbata so azo afâ Kota Gbia ti ala na ndö ti keke ti kroa daa so. Azo airi kota gbata ni na lege ti *mato atene, “Sodome” wala “Ezipte.”

Aye so Nzapa afa 20:13

Kota ngu-ingo asigigi na akuâ so ayeke na ya ti lo. Kuâ na ndo ti akuâ asigigi na akuâ so ayeke na ala si a fâ ngbanga na li ti ala oko oko alingbi gi na ye so ala sara.

Aye so Nzapa afa 6:8

Mbi baa ndo si mbi baa mbeni mbarata so tere ti lo avuru akpa kuâ. Iri ti zo so aduti na ndö ti mbarata ni ayeke “Kuâ” si ndo ti akuâ ayeke mu peko ti lo. A mu na lo ngangu ti gue na ndö ti sese kue, ti fâ azo na yongoro zeme, na lege ti nzara, na lege ti kuâ nga na lege ti asioni nyama. Tongana azo ayeke osio, lo yeke fâ oko.