Matthieu 11:21 - Mbeti ti Nzapa - Tënë so amu fini

²¹ Lo tene na ala: “Mawa na mo, gbata ti Korazen! Mawa na mo, gbata ti Betsaida! Biani, tongana aye ti kpene so asi na ndo ti ala so asi ando na sese ti Tir na ti Sidon, ka azo ni ayu bongo ti mua, ala tuku mburu ti wâ na li ti ala aninga awe ti fa atene, ala zia ngbene lege ti sarango ye ti ala awe!

Matthieu 11:21 Iomraidhean Croise

Mbeti ti Job 42:6

Ndani laa, be ti mbi aso ndali ti tënë so lani mbi tene. Mbi hinga so tënë ni ayeke na legeni pepe; mbi duti na ya ti fuku ti sese, na ya ti mburu ti wâ.

Jérémie 13:27

Asarango ye ti ndumba ti mo, totongo ti mo tongana ti mbarata so ayeke toto na peko ti wali-mbarata so, asarango ye ti ndumba ti mo na li ti ahoto, nga na ya ti ayaka ayeke mu kamene na zo! Mbi baa afungo nzapa ti mo so kue! So ye ti mawa ti nyen, Jérusalem! Mo ye ti ga *nzoni pepe! Mo yeke ngba ti sara ye tongaso ngbii asi lawa?”

Joël 3:4

lâ ayeke ga vukongo ndo, nze ayeke ga bengba tongana mene. Na pekoni, fade *lango ti KOTA GBIA ayeke si, kota lango, lango so ayeke zia mbeto na be ti zo.”

Amos 1:9

Tënë so KOTA GBIA atene ayeke so: “Mbi yeke na tënë na azo ti Tir ndali ti asioni ye ota, wala osio so ala sara: ala gbu azo ti akete kodro si ala ka ala kue kue kue na azo ti mara ti Edom. Ala buba lege ti *mbuki ti ala na a-ita ti ala, azo ti Israel awe. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Matthieu 11:22

Ndani laa, mbi tene na ala: na lango ti fango ngbanga, fade a yeke fâ ngbanga ngangu na li ti ala ahon ti Tir na ti Sidon.

Matthieu 15:21

Jésus alondo na ndo so, lo gue na sese ti Tir na ti Sidon.

Matthieu 18:7

So ayeke ye ti mawa mingi na azo ti dunia! Aye mingi ayeke daa so ayeke sara si azo azia lege ti mabe ti ala. Biani, aye ni so ayeke duti ande daa lakue, me mawa na zo so asara si aye ni asi!

Matthieu 26:24

Fade *Molenge ti Zo ayeke kui gi tongana ti so Mbeti ti Nzapa atene tënë ni na ndö ti lo; me mawa na zo so ayeke ka ande Molenge ti Zo ni so! Ti zo ni so, tongana a du lo fade pepe, ka ayeke nzoni mingi!”

Marc 3:8

Ambeni alondo na Jérusalem; ambeni alondo na sese ti Idume nga na sese so ayeke na mbage ti ngu ti Jourdain; ambeni alondo na akodro so ayeke nduru na Tir nga na Sidon. Gba ti azo so aga, ngbanga ti so ala ma tënë ti aye so Jésus ayeke sara.

Marc 6:45

Gi hio na pekoni, Jésus amu yanga na adisiple ti lo titene ala ko na ya ti ngo ti gue kozo ti lo na mbage ti ngu, na mbage ti gbata ti Betsaida si lo wani, lo ngba ti lo na peko ti mu lege na gba ti azo so ti kiri na ndo ti ala.

Marc 7:24

Na pekoni, Jésus alondo na ndo so si lo gue na sese ti Tir. Lo li na ya ti mbeni da si lo ye titene azo ahinga ndo so lo yeke daa pepe; me lo honde tere ti lo gbaa.

Marc 7:31

Jésus alondo na sese ti Tir, lo hon na ya ti sese ti Sidon; lo fâ, lo hon na ya ti Agbata-Baleoko si lo kiri na mbage ti kota ngu ti Galile.

Marc 8:22

Jésus na adisiple ti lo asi na Betsaida; ambeni zo amu mbeni waziba, aga na lo na Jésus si ala voro lo titene lo ndu lo.

Nzoni Tënë so Luc asu na mbeti 4:26

Me Nzapa atokua Élie na mbeni oko na popo ti ala pepe, me lo tokua lo na gbata ti Sarepta, na sese ti Sidon, na da ti mbeni wali-mua.

Nzoni Tënë so Luc asu na mbeti 6:17

Jésus na *awatokua ti lo alondo na li ti hoto ni azu si lo luti na mbeni ndo so ayeke kpangbara. Adisiple ti lo mingi mingi ayeke kâ, ala na gba ti azo so asi singo. Azo ni alondo na ya ti agbata ti Judée kue, na Jérusalem, na agbata ti Tir na Sidon so ayeke na yanga ti kota ngu-ingo.

Nzoni Tënë so Luc asu na mbeti 9:10

So *awatokua ni akiri awe, ala fa na Jésus peko ti aye so kue ala sara. Lo mu ala si lo na ala agboto tere ti ala, ague na mbage ti mbeni kodro so iri ni Betsaida.

Jean 1:44

Philippe ayeke zo ti Betsaida, kete kodro ti André na ti Pierre.

Jean 12:21

Ala ga nduru na Philippe, zo ti Betsaida, na sese ti Galile; ala tene na lo: “Kota zo, e ye ti baa Jésus.”

Awatokua 12:20

Be ti Herode aso mingi na azo ti Tir na ti Sidon. Azo ni ama tere ti gue ti baa Herode. Ala gue kozoni abaa Blastus, makonzi-kubu ti gbia titene lo gbu koko ti ala. Na pekoni, ala gue na Herode titene ala ma tere si siriri akiri na popo ti ala. Andaa kobe ayeke londo na kodro ti gbia Herode si ayeke gue na kodro ti ala.

Awatokua 27:3

Lango oko na pekoni, e si na Sidon. Yulius so ayeke sara nzoni be na Paul, azia lo ti gue ti baa azo so lo na ala aye tere titene ala mu na lo ambeni ye so atia lo.

Jude 1:11

Mawa na azo ni so! Ala mu peko ti Kain. Ndali ti nginza, ala girisa lege tongana Balaam; ala kui, ngbanga ti so ala sara ngangu li tongana azo ti Kore.

Aye so Nzapa afa 11:3

Azo ti mbi use so ayeke tene taa-tënë na ndö ti mbi, ala so ayeke yu bongo ti mua so, fade mbi yeke mu lege na ala ti tene peko ti tënë ti yanga ti mbi na azo na ya ti lango saki oko ngbangbo use na baleomene.”

Aye so Nzapa afa 6:12

So Molenge ti Taba azi omene nzoroko ni, mbi baa sese ayingi ngangu: lâ avuko tongana vuko bongo ti mua, le ti nze aga bengba tongana mene;