Matthieu 11:11 - Mbeti ti Nzapa - Tënë so amu fini

¹¹ Mbi tene na ala taa-tënë: na popo ti azo so kue awali adu ala, mbeni oko so ayeke kota ahon Jean-Baptiste ayeke daa pepe. Me ndangba zo ti ya ti *Kodro-gbia ti yayu ayeke kota ahon lo.

Matthieu 11:11 Iomraidhean Croise

Mbeti ti Job 14:1

Zo so wali adu lo, lango ti lo ayeke nduru; gingo be ti lo ahon ndoni.

Mbeti ti Job 14:4

Zo wa laa alingbi ti sara si ye so ayeke *nzoni asigigi na ya ti ye so ayeke *sioni? Zo oko pepe!

Mbeti ti Job 15:14

Zo ayeke nyen si lo tene ni yeke *nzoni? Zo so wali adu lo ayeke nyen si lo tene ni yeke mbirimbiri?

Mbeti ti Job 25:4

Zo alingbi ti tene ni yeke zo ti mbirimbiri na le ti Nzapa tongana nyen? Zo so wali adu lo, lo lingbi ti tene ni yeke *nzoni tongana nyen?

Abia (Psaumes) 51:5

Mbi hinga so mbi buba lege ti ndia ti mo awe; siokpari ti mbi ayeke lakue na le ti mbi.

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Zakarii 12:8

Na lango ni so, fade KOTA GBIA ayeke bata azo ti Jérusalem: azo so ayeke na popo ti ala si ayeke na ngangu pepe, ala yeke ga azo ti ngangu tongana David. Ahale ti David ayeke duti na le ti azo ni tongana Nzapa, tongana *ange ti KOTA GBIA so ayeke tambula na dawa ti ala.

Matthieu 11:10

Lo laa a su tënë ti lo na Mbeti ti Nzapa, atene: ‘Baa, mbi tokua zo ti kua ti mbi kozo ti mo, fade lo yeke leke lege na dawa ti mo.’

Matthieu 11:12

Ti londo na ndembe so Jean-Baptiste ato nda ti fango tënë ti Nzapa ngbii asi laso, azo atiri bira ti mu Kodro-gbia ti yayu; azo ti ngangu laa agi lege ti mu ni.

Matthieu 3:1

Na ngoi ni so, Jean-Baptiste asi; lo to nda ti fa Nzoni Tënë na ya ti benyama ti Judée,

Matthieu 3:11

Ti mbi, mbi yeke batize ala na ngu ti fa na le ti azo so ala zia ngbene lege ti sarango ye ti ala awe; me lo so ayeke ga na peko ti mbi, fade lo yeke batize ala na Yingo-Vuru nga na wâ. Ngangu ti lo ahon ti mbi: mbi kpa zo ti zi poro ti gere ti lo pepe.

Matthieu 5:19

Ndani laa, zo so ake mbeni kete kete mbage ti Ndia si lo fa lege ti kengo ni na ambeni zo, fade lo yeke duti ndangba zo na ya ti *Kodro-gbia ti yayu. Me zo so asara ye alingbi na atënë ni si lo fa lege na amba ti lo ti sara ye alingbi na ni, fade lo yeke duti kota zo na ya ti Kodro-gbia ti yayu.

Nzoni Tënë so Luc asu na mbeti 1:15

Biani, fade lo yeke ga kota na le ti Kota Gbia; lo yeke nyon vin wala samba pepe; Yingo-Vuru ayeke si lo gi na ya ti mama ti lo.

Nzoni Tënë so Luc asu na mbeti 7:28

Mbi tene na ala: na popo ti azo so awali adu ala, mbeni oko so ayeke kota ahon Jean-Baptiste ayeke daa pepe; me ndangba zo ti ya ti *Kodro-gbia ti Nzapa ayeke kota ahon lo.”

Nzoni Tënë so Luc asu na mbeti 9:48

lo tene na ala: “Zo so ayamba kete molenge so na iri ti mbi, andaa mbi laa lo yamba mbi; zo so ayamba mbi, andaa lo yamba nga lo so atokua mbi. Zo so ayeke kete kete na popo ti ala, andaa lo laa lo yeke kota ahon ala kue.”

Jean 1:15

Jean afa peko ti ye so lo hinga na ndö ti lo; lo dekongo, lo tene: “Lo laa mbi tene tënë ti lo ando, mbi tene: ‘Mbeni zo ayeke ga na peko ti mbi, lo yeke kota ahon mbi, ngbanga ti so lo yeke daa kozo ti mbi.’ ”

Jean 1:27

Lo yeke ga na peko ti mbi, mbi kpa zo ti zi akamba ti poro ti gere ti lo pepe.”

Jean 10:41

Azo mingi aga na tere ti lo; ala tene na lo: “Jean asara aye ti kpene oko pepe, me atënë so kue Jean atene na ndö ti koli so ayeke taa-tënë.”

Jean 3:30

Alingbi lo ga kota si mbi ga ti mbi kete.”

Jean 5:35

Jean ayeke lani tongana lamba so aza si ndo avuru. Ala azo, ala yeda ti sara ngia kete na gbe ti wâ ni.

Jean 7:39

Jésus ayeke tene tënë ti Yingo-Vuru so fade azo so ama na be na lo ayeke wara. Na ndembe ni so Yingo-Vuru ade ti ga pepe, ngbanga ti so Jésus ade ti wara gonda ti lo pepe.

1 Korente 15:9

Biani, mbi yeke kete ahon awatokua kue; mbi lingbi nga titene a iri mbi watokua pepe, ngbanga ti so mbi sara ngangu na azo ti *Eglize ti Nzapa.

1 Korente 6:4

Tongana amara ti tënë tongaso ayeke londo na popo ti ala, ngbanga ti nyen si ala yeke gue na tënë ni na gbe ti azo so *Eglize ayeke baa ala tongana asenge zo so?

Efeze 2:3

E nga kue, e yeke ando tongana ala: e yeke sara aye na lege ti asioni nzara ti be ti e, e yeke sara ye so be ti e aye na ye so anzere na be ti e. E nga, ngonzo ti Nzapa alingbi ti ti na li ti e tongana tanga ti azo kue ndali ti so a du e zo.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

2 Timothée 1:10

Nzapa afa nzoni be ti lo ni fadeso na lege ti gango ti Jésus Christ, Wasongo e. Lo hon ndö ti kuâ na ngangu awe si na lege ti Nzoni Tënë, lo fa polele na azo fini so angba lakue lakue.

Ahebro 11:40

Biani, Nzapa aleke ndali ti e mbeni nzoni ye so ahon atanga ni. Ndani laa, lo ye titene ala ku si e na ala, e ga nzoni kue legeoko.

1 Pierre 1:10

Awayanga-Nzapa agi ando mingi na alege nde nde nda ti tënë so atene, Nzapa ayeke soo azo so. Ala tene nga kozoni tënë ti nzoni be ti Nzapa so lo ye ti sara na ala, a-ita.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.