Matthieu 11:1 - Mbeti ti Nzapa - Tënë so amu fini

¹ So Jésus ahunzi ti mu yanga na adisiple ti lo baleoko na use awe, lo londo si lo gue ti fa ye na azo, ti fa nga Nzoni Tënë na ya ti agbata ti ala.

Matthieu 11:1 Iomraidhean Croise

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Matthieu 4:23

Jésus atambula na ya ti Galile kue; lo fa ye na azo na ya ti ada ti sambelango Nzapa ti kodro ni, lo fa Nzoni Tënë ti *Kodro-gbia ti yayu, lo kai akobela kue na tere ti azo, lo sara si azo so mbage ti tere ti ala abuba, aga nzoni.

Matthieu 7:28

So Jésus atene tënë so awe, li ti azo so abongbi kâ akpe ndali ti fango ye ti lo.

Matthieu 9:35

Jésus atambula na ya ti agbata kue, na akete kodro; lo fa ye na ya ti ada ti sambelango Nzapa ti azo ni, lo fa Nzoni Tënë ti *Kodro-gbia ti yayu, lo kai kobela na tere ti azo si ala so mbage ti tere ti ala abuba, lo sara si aga nzoni.

Marc 6:12

Tongaso adisiple ague ti fa tënë na azo, atene: “Ala zia ngbene lege ti sarango ye ti ala!”

Nzoni Tënë so Luc asu na mbeti 23:5

Me ala luti na ndö ti tënë ti ala, atene: “Lo yeke pusu azo ti kodro ti sara wusuwusu na lege ti fango ye ti lo so lo yeke fa na azo ti sese ti Judée kue. Lo londo na Galile si lo yeke fa ye na azo ngbii asi na ndo so.”

Nzoni Tënë so Luc asu na mbeti 8:1

Na pekoni, Jésus atambula na ya ti agbata na akete kodro; lo yeke fa na azo Nzoni Tënë ti kodro-gbia ti Nzapa. Adisiple baleoko na use ayeke na tere ti lo,

Jean 15:10

Tongana ala sara ye alingbi na andia ti mbi, fade ala yeke ngba na ya ti ndoye ti mbi, tongana ti so mbi sara ye alingbi na andia ti Babâ si mbi ngba na ya ti ndoye ti lo.

Jean 15:14

Tongana ala sara ye alingbi na yanga so mbi mu na ala, ala yeke amba ti mbi so mbi na ala e ye tere.

Awatokua 1:2

ngbii asi na lango so a mu lo na yayu. Kozo titene a mu Jésus na yayu, lo mu yanga na lege ti ngangu ti Yingo-Vuru na azo so lo soro ala ti ga *awatokua.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 10:42

Jésus amu na e yanga ti fa tënë na azo, ti fa nga peko ti ye so e hinga: Nzapa asoro Jésus ti fâ ngbanga ti azo so ayeke na fini na ti ala so akui awe.

1 Tesalonike 4:2

Biani, ye so e fa na ala na peko ti yanga ti Kota Gbia Jésus, ala hinga ni awe.

2 Tesalonike 3:10

Biani, so lani e yeke na ndo ti ala, e mu yanga na ala, e tene: “Tongana mbeni zo aye ti sara kua pepe, alingbi lo te nga kobe pepe.”

2 Tesalonike 3:6

A-ita, e hunda na ala na iri ti *Kota Gbia Jésus Christ ti kpe lege ti a-ita so kue ayeke azo ti sopo, so sarango ye ti ala ayeke nde na tënë so e fa na ala kozoni so.

1 Timothée 6:14

Mo bata lege ti tënë ti yanga ti mbi nzoni si zo awara mbeni ye ti sioni wala mbeni tënë na li ti mo pepe; mo bata ni ngbii *Kota Gbia ti e Jésus Christ akiri.