Matthieu 10:7 - Mbeti ti Nzapa - Tënë so amu fini

⁷ Na guengo ni, ala fa Nzoni Tënë na azo, atene: ‘*Kodro-gbia ti yayu aga nduru awe!’

Matthieu 10:7 Iomraidhean Croise

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Matthieu 10:8

Ala kai kobela na tere ti azo, ala zingo akuâ, ala sara si tere ti azo ti buruma aga nzoni, ala tumba asioni yingo. Nzapa amu ye na ala senge senge, ala mu nga ye na azo senge senge.

Matthieu 11:1

So Jésus ahunzi ti mu yanga na adisiple ti lo baleoko na use awe, lo londo si lo gue ti fa ye na azo, ti fa nga Nzoni Tënë na ya ti agbata ti ala.

Matthieu 21:31

Jésus ahunda ala: “Zo wa na popo ti amolenge use so si asara ye so babâ ti lo aye?” Ala kiri tënë na lo: “Ayeke kozo molenge ni.” Jésus atene na ala: “Mbi tene na ala taa-tënë: azo ti rongo nginza ti lapo na awali-ndumba ayeke si ande kozo na ala na ya ti *Kodro-gbia ti Nzapa.

Matthieu 21:43

Ndani laa, Jésus atene: “Mbi tene na ala: fade a yeke zi *Kodro-gbia ti Nzapa na maboko ti ala ti mu na azo so asara ye alingbi na ni. [

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Matthieu 3:2

lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 4:17

Gi na ndembe ni so, Jésus ato nda ti fa tënë, lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Marc 6:12

Tongaso adisiple ague ti fa tënë na azo, atene: “Ala zia ngbene lege ti sarango ye ti ala!”

Nzoni Tënë so Luc asu na mbeti 16:16

“*Ndia ti Moïse na ambeti ti awayanga-Nzapa afa lege na azo ngbii asi na ngoi ti Jean-Baptiste. Ti londo na ngoi ti Jean-Baptiste, azo ayeke fa Nzoni Tënë ti *Kodro-gbia ti Nzapa si zo oko oko ayeke sara ngangu ti li na ya ti Kodro ni.

Nzoni Tënë so Luc asu na mbeti 9:2

Na pekoni, lo tokua ala ti fa tënë ti kodro-gbia ti Nzapa, ti kai nga akobela na tere ti azo.

Nzoni Tënë so Luc asu na mbeti 9:6

Adisiple ague, atambula na ya ti akete kodro oko oko kue ti fa Nzoni Tënë, ala kai nga akobela na tere ti azo na ndo so kue ala hon daa.

Nzoni Tënë so Luc asu na mbeti 9:60

Jésus atene na lo: “Zia akuâ alu akuâ ti ala; me ti mo, mo gue, mo fa na azo tënë ti kodro-gbia ti Nzapa.”

Jean 3:2

Lo ga lo baa Jésus na bi si lo tene na lo: “Wafango-ye, e hinga so Nzapa laa atokua mo ti fa ye na e, ngbanga ti so, tongana Nzapa ayeke na zo pepe, zo ni alingbi ti sara aye ti kpene so mo yeke sara so pepe.”

Awatokua 10:25

So Pierre aga ti li na ya ti da ni, Corneille aga atengbi na lo. Lo ti na sese na gbe ti Pierre ti voro lo.

Awatokua 28:31

Lo yeke fa tënë ti Kodro-gbia ti Nzapa si lo yeke fa tënë ti *Kota Gbia Jésus Christ na mbeto pepe, mbeni zo akanga lege na lo pepe.

Awatokua 4:2

Be ti ala aso mingi, ngbanga ti so Pierre na Jean ayeke fa ye na azo atene, Jésus azingo na kuâ awe. Tongaso, fade azo ayeke zingo nga na kuâ.