Matthieu 10:42 - Mbeti ti Nzapa - Tënë so amu fini

⁴² Mbi tene na ala taa-tënë: zo so amu ngu ti nyongo ni na mbeni senge zo oko so ndali ti so lo yeke disiple ti mbi, ataa ayeke kete kopo ti ngu ti de, fade lo yeke wara nzoni ye na peko ni.”

Matthieu 10:42 Iomraidhean Croise

1 Agbia 17:11

Wali ni ague ti to ngu ni. Me Élie akiri airi lo si atene na lo: “Mbi gbu gere ti mo, mo ga nga na mbi mbeni nduru mapa, mbi te-oo!”

2 Agbia 4:10

Ayeke nzoni e leke mbeni kete kubu na lo na ndö ti da. E zia na ya ti kubu ni gbogbo, meza, ngende na lamba. Tongana lo ga na ndo ti e, lo lingbi ti lango daa.”

Amato 19:17

Zo so abaa mawa ti wayere, andaa boon laa zo ni asara na KOTA GBIA; fade KOTA GBIA ayeke kiri peko ni na lo.

Amato 24:14

Me alingbi mo hinga nzoni so, fade ndara ayeke duti legeoko tongaso ndali ti mo! Tongana mo yeke na ni, fade ye ayeke ga nzoni ndali ti gigi ti mo ti kekereke si ye so mo zia be ti mo ti ku, mo yeke ku ni gbaa pepe.

Zo ti bongbingo azo 11:1

Mo bi mapa ti mo na le ti ngu, gbanda gbaa, mo yeke kiri ti wara ni.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Matthieu 18:10

“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Matthieu 18:14

Tongaso nga, Babâ ti ala so ayeke na yayu aye titene mbeni oko na popo ti amolenge so agirisa pepe.”

Matthieu 25:40

Fade Gbia ni ayeke kiri tënë na ala: ‘Mbi tene na ala taa-tënë: ye so kue ala sara na asenge zo so ayeke a-ita ti mbi, andaa na mbi laa ala sara ni.’

Nzoni Tënë so Luc asu na mbeti 17:2

Tongana a kanga fade kota têne na go ti lo, a bi lo na ya ti kota ngu-ingo, ka ayeke nzoni ahon titene lo sara si mbeni oko ti akete molenge so ati na ya ti siokpari.

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.