Matthieu 10:21 - Mbeti ti Nzapa - Tënë so amu fini

²¹ Fade azo ayeke mu a-ita ti ala titene azo afâ ala; babâ ayeke mu nga molenge ti lo titene azo afâ lo; amolenge ayeke ga wato ti babâ na mama ti ala ti mu ala titene azo afâ ala.

Matthieu 10:21 Iomraidhean Croise

2 Samuel 16:11

David atene na Abishai nga na azo ti yangbo ti lo kue, atene: “So molenge ti mbi so asigigi na ya ti mbi aye ti fâ mbi so, fade zo ti mara ti Benjamin so asara ye tongaso pepe? Ala zia lo, lo deba mbi tongana KOTA GBIA laa amu yanga na lo.

Mbeti ti Job 19:19

Amba ti mbi so kue mbi na ala e ye tere mingi, ala ye ti baa mbi na le ti ala fani use pepe. Azo so lani mbi ye ala, ala londo ti sara sioni na mbi.

Abia (Psaumes) 50:20

Mo duti, mo yeke tene gi mvene na iri ti mba ti mo; mo yeke buba iri ti ita ti mo, lo so lo yeke molenge ti mama ti mo.

Ésaïe 19:2

*KOTA GBIA atene: “Mbi yeke pusu azo ti Ezipte na tere ti amba ti ala, zo oko oko ayeke tiri na ita ti lo, zo oko oko ayeke tiri na mba ti lo mbeni gbata ayeke tiri na mbeni gbata, mbeni kodro-gbia ayeke tiri na mbeni kodro-gbia.

Zakarii 13:3

Tongana mbeni zo angba ti tene peko ti tënë ti yanga ti Nzapa, ataa so zo ni ayeke taa wayanga-Nzapa pepe, fade babâ na mama ti lo wani ayeke tene na lo: ‘Alingbi mo kui, ngbanga ti so mo yeke tene mvene na iri ti KOTA GBIA.’ Na ndembe so lo ngba ti tene tënë ni, babâ na mama ti lo wani ayeke kpo lo.

Matthieu 24:10

Na ngoi ni so, azo mingi ayeke zia lege ti mabe ti ala; ala yeke ka amba ti ala na popo ti ala si ala yeke ke tere na popo ti ala.