Matthieu 1:25 - Mbeti ti Nzapa - Tënë so amu fini

²⁵ Me Joseph na Marie aduti koli na wali pepe ngbii asi na ngoi so Marie adu molenge ti lo. Joseph adi iri ti lo Jésus.

Matthieu 1:25 Iomraidhean Croise

2 Samuel 6:23

Mikal, molenge ti Saul ti wali adu molenge pepe ngbii lo kui.

1 Agbia 1:4

Maseka-wali so ayeke pendere ahon ndoni. Lo duti na tere ti gbia ti bata lo, ti sara na lo. Me gbia aduti na lo koli na wali pepe.

Sigingo 13:2

“Akozo molenge-koli so kue ayeke na Israel, ala so azi lege ti dungo ni na mama ti ala, mo zia ala nde ndali ti mbi. Biani, akozo molenge-koli ti zo na akozo molenge-koli ti nyama ayeke ti mbi.”

Sigingo 22:29

“Fade ala sara gi mara ti ye so na kozo molenge ti bagara ti ala nga na kozo molenge ti taba ti ala. Fade molenge ti nyama ni ayeke ngba na tere ti mama ti lo lango mbarambara; na lango miombe ni, ala mu lo na mbi.

Matthieu 1:21

Lo yeke du ande molenge-koli so fade mo yeke di iri ti lo Jésus, ngbanga ti so lo laa lo yeke soo azo ti lo na ya ti asiokpari ti ala.”

Matthieu 1:24

So Joseph azingo na lango, lo sara ye so ange ti Kota Gbia atene na lo; lo mu wali ti lo Marie na da ti lo.

Nzoni Tënë so Luc asu na mbeti 1:31

Fade mo yeke mu ngo si mo yeke du molenge-koli so mo yeke di iri ti lo Jésus.

Nzoni Tënë so Luc asu na mbeti 2:21

Lango miombe na pekoni, ala fâ molenge ni na *ganza si ala di iri ti lo Jésus. So ayeke iri so *ange afa kozoni si a mu ngo ti lo.

Nzoni Tënë so Luc asu na mbeti 2:7

Lo du kozo molenge ti lo ti koli. Lo kanga lo na bongo si lo zia lo na ya ti mbeni sanduku so anyama ayeke te ka kobe daa, ngbanga ti so ala wara ndo ti lango daa pepe na ya ti da ti agene.

Rome 8:29

Biani, azo so Nzapa asoro ala kozoni, lo leke na be ti lo kozoni ti sara si ala ga tongana Molenge ti lo, tongaso si Molenge ni aga yaya ti a-ita mingi.