Matthieu 1:23 - Mbeti ti Nzapa - Tënë so amu fini

²³ “Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –

Matthieu 1:23 Iomraidhean Croise

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Abia (Psaumes) 46:7

Amara asara wusuwusu, akodro ti agbia ayingi; Nzapa atene tënë na kota go si sese aga tongana ngu.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Matthieu 1:24

So Joseph azingo na lango, lo sara ye so ange ti Kota Gbia atene na lo; lo mu wali ti lo Marie na da ti lo.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Nzoni Tënë so Luc asu na mbeti 20:44

So David airi lo atene, Kota Gbia so, Mesii ayeke kiri ti ga molenge ti David tongana nyen?”

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Awatokua 18:9

Na mbeni bi, Kota Gbia asi na Paul na ya ti mbeni ye tongana bango-li si lo tene na lo: “Sara mbeto pepe, ngba gi na fango tënë ni, mo kai pepe,

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

Rome 9:5

ala yeke *ahale ti akotara, Christ asigigi na ya ti ala na lege ti dutingo ti lo ti zo, lo yeke Nzapa so ayeke na ndö ti aye kue. Ayeke nzoni azo agonda lo kpu na kpu! Amen.

2 Korente 5:19

Biani, Nzapa laa asara si songo akiri na popo ti lo na azo na lege ti Christ. Lo kanga le ti lo na ndö ti asiokpari ti azo, lo zia tënë ti lekengo songo na yanga ti e ti tene ni na azo.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!

2 Timothée 4:22

Ayeke nzoni *Kota Gbia aduti na mo! Ayeke nzoni Nzapa asara nzoni be na ala!